– Jedel járdemge suranys táýligine 1400 shaqyrtýǵa deıin ósti. Mysaly, 7 shilde kúni 1680 adam jedel járdem qyzmetin shaqyrtqan. Pandemııa beleń alǵannan bergi basqa kúnderi 1100-1300 qońyraýǵa deıin qabyldanǵan edi. Al karantın bastalǵanǵa deıin ortasha eseppen táýligine nebári 760-aq adam jedel járdem shaqyrtatyn, – degen bolatyn V.Dýdnık.
Keshe basqarmanyń baspasóz qyzmeti sońǵy kúnderi jedel járdem shaqyrtýlarynyń birtindep azaıyp kele jatqanyn málimdedi. Baspasóz hatshysy Ksenııa Jylqybaevanyń habarlaýynsha, 15 shildeden bastap jedel járdem qyzmetine túsip jatqan qońyraýlar sany orta eseppen táýligine 5%-ǵa tómendep otyr. Máselen, keshe jedel járdem stansasynyń feldsherleri 1033 shaqyrtý alǵan.
– Bul – 1-shildeden beri tirkelgen eń tómengi kórsetkish. Bizdiń esepteýimizshe, turǵyndardyń jedel járdem qyzmetine degen suranysy 20%-ǵa tómendep otyr, – dedi K. Jylqybaeva.
Qostanaı oblysy
