Medısına • 28 Shilde, 2020

Indetpen kúreske úles qosyp jatyr

13 ret kórsetildi

Qazirgi qysyltaıań kezeńde densaýlyq saqtaý júıesiniń barlyq resýrsy qaýipti indetke qarsy is-sharalarǵa jumyldyryldy. Daýasyz derttiń betin qaıtarýǵa baǵyttalǵan bul aýqymdy jumystar Medısınalyq saqtandyrý qory arqyly qarjylandyryldy.

 

Qor tarapynan 56,7 mlrd teńge bólindi

Pandemııa kezinde medısınalyq uıym­dardyń kóbi indet juqtyrǵandardy em­deıtin bolyp qaıta beıimdeldi. Bul rette kúni-túni qyzmet etken dárigerlerge de udaıy qoldaý kórsetildi. Indetke qar­sy is-sharalardyń jan-jaqty uıym­das­tyrylýyna mindetti áleýmettik saq­tan­dyrý júıesi biraz úlesin qosyp jatyr. Osy jóninde Ortalyq kommýnıkasııalyq qyz­­meti alańynda Áleýmettik medı­sı­na­lyq saqtandyrý qorynyń basqarma tór­aǵa­sy Bolat Tókejanov keńinen aıtyp berdi.

Onyń aıtýynsha, koronavırýsqa qarsy kúres sharalaryna jalpy 56,7 mlrd teńge bólindi. Halyqqa kómek kórsetý úshin 630 mekememen shart jasaldy. Medısınalyq kómek pen stasıonarlardaǵy em úshin – 13,4 mlrd teńge, qaýipti aımaqtarda jumys is­tegen medısınalyq qyzmetkerlerge ús­teme­aqy tóleýge – 38,1 mlrd teńge, PTR dıag­nos­tıkaǵa 5,2 mlrd teńge qa­ras­tyrylǵan.

Birinshi kezekte turǵan mańyzdy min­detterdi jedel oryndaý úshin res­pýb­lıkalyq komıssııa sanıtarlyq-epıdemııalyq salamattyq salasyndaǵy ýákiletti organmen kelise otyryp, óńir­lerdegi densaýlyq saqtaý basqarma­larynyń tizbesi boıynsha medısınalyq qyzmet kórsetetin mekemelermen tikeleı shart jasaý týraly sheshim qabyldandy. Qor maýsym aıynyń sońynda jetkizýshi mekemelelerge kórsetilgen qyzmetter men qaýipti aımaqta jumys istegen medısına qyzmetkerlerine 44 mlrd teńge tóledi. Bul qarjy bólingen jalpy somanyń 75 paıyzyn quraıdy.

«Naýryz aıynan maýsym aıyna deıin Qazaqstanda 150 myń naýqas koronavırýs pen pnevmonııadan emdeldi. Osy maqsatta ÁMSQ aýrýhanalarǵa 9 mlrd teńgeden astam qarjy tóledi. Naýryz aıy­na qaraǵanda maýsymda bir kúndik tósektik-oryndarmen naýqastardyń qamtylýy – 8 esege, juqpaly aýrýlar aýrýhanasyndaǵy tósek-orynnyń qamtylýy 23 esege ósken. Sondaı-aq provızorlyq stasıonarlarda bir kúndik tósektik-oryn sany naýryz aıynda 21 myń bolsa, qazir 100 myńnan asty. Medısınalyq kómek sapasyn jaqsartý úshin shilde aıynda medısınalyq uıymdar úshin tarıfter artty. Endi provızorlyq stasıonarda árbir tósektik-oryn kúnine – 22 myń teńge, táýlik boıy stasıonarlarda bolǵany úshin 32 myń teńge, naýqasty anestezıologııa, reanımasııa jáne qarqyndy terapııa bólimshesinde emdeýdegi tósek-oryn kúni úshin 70 myń teńgeden asa qarajat qor tarapynan óteledi. Bul qyzmetterge tarıfti kóterý qor jetkizýshileriniń sanyn kóbeıtýge, jeke aýrýhanalardy belsendi tartýǵa jáne koronavırýstyq pnevmonııasy bar naýqastardy emdeýge múmkindik beredi. Buǵan qosa medısınalyq saqtandyrý qory stasıonarlar men emhana dárigerleriniń joldamalary boıynsha 300 myńǵa jýyq PTR zertteýlerine 3,5 mlrd teńgeden asa somaǵa tólem jasady», dedi Bolat Tókejanov.

 

Em-dom sharalary úshin jańa tarıfter ázirlendi

Sonymen qatar baspasóz jıynynda dári-dármekpen qamtamasyz etýdegi kedergilerdiń aldyn alý úshin Áleýmettik medısınalyq saqtandyrý qory «SQ-Farmasııa» kompanııasymen birlesip jasalǵan kelisimshart somasyn 100% aldyn ala tólegeni málim boldy. Bul biryńǵaı dıstrıbıýtorǵa jyl sońyna deıin jetkiziletin preparattar úshin jetkizýshiler men óndirýshi zaýyttarǵa aldyn ala tólem jasaýǵa múmkindik berdi. Dári-dármekpen qamtamasyz etýdi jaqsartý úshin qajetti sharalar qolǵa alynyp jatyr. Densaýlyq saqtaý mınıstrligi qosymsha bes dári-dármek túrin engizý máselesin qarastyrýda. Bul dáriler de aldyńǵy qatarda júrgen dárigerlerdiń taǵaıyndaýymen qoljetimdi bolmaq. Mınıstrlik buıryqqa ózgerister engiz­gennen keıin atalǵan qor óńirlik densaý­lyq saqtaý basqarmalarynyń ótinimderi negizinde ony úzdiksiz satyp alý úshin qarjylandyrýdy qamtamasyz etedi.

«Qazir qosymsha 110 mlrd teńge bólý má­se­lesi qarastyrylyp jatyr. Al min­detti áleýmettik medısınalyq saqtandyrý júıesi aıasynda elimizde qosymsha 140 mlrd teńge bólinedi. Bul esep áli naqtylanady. О́ıtkeni bul koronavırýs pen pnevmonııa boıynsha epıdemııalyq jaǵdaıdyń qalaı órbıtinine tikeleı baılanysty. Qor KVI dıagnostıkasyna, emdeýge jáne asqynýlarǵa baılanysty barlyq shyǵyndy medısınalyq uıymdarǵa óteý úshin emdeýdiń aýyrlyǵyn eskere otyryp, jańa tarıfter ázirledi. Osylaısha koronavırýs ınfeksııasynyń jeńil deńgeıindegi bir naýqasty – 292 600 teńgege, ortasha deńgeıdegi naýqasty – 446 100 teńgege, jaǵdaıy múshkil naýqasty 1,5 mln teńgege emdeıdi. О́te aýyr haldegi naýqasty emdeý úshin qor bir naýqasqa 1,7 mln teńge tóleıdi. Jedel járdem kórsetý tarıfiniń qurylymynda jeke qorǵaný quraldaryna jumsalatyn shyǵyndar orta eseppen 40%-ǵa artty. Qordyń qosymsha josparlanǵan qarjylandyrý kóleminen mobıldi brıgadalardyń jumysyna shamamen 7,7 mlrd teńge jiberiledi. Tipti qazir emhanalar men otbasylyq ambýlato­rııa­lar janynan dál osyndaı 3 myńnan asa brıgada quryldy», dedi Áleýmettik medı­sınalyq saqtandyrý qorynyń basshysy.

 

Tomografııa qyzmetinen kómek kóp

Buǵan qosa B.Tókejanov jýrna­lıs­ter­diń saýalyna qaraı elde kóptegen aza­mat ókpeniń zaqymdalýyn anyqtaý úshin kompıýterlik tomografııadan ótke­nin, sondyqtan maýsymnan bastap KT-ǵa júginýdiń kúrt ósýi baıqalǵanyn, biraq dıag­nostıkanyń bul túri belgili bir klı­nıkalyq sımptomdary bar pasıentterge kórsetilgenin málimdedi.

Entigý, tynys alýdyń qıyndaýy, keýde qýy­synyń aýyrýy, qandaǵy ottegi deń­geıiniń tómendeýi sııaqty belgiler bolǵan jaǵdaıda dereý dárigermen baılanysý nemese jedel járdemge qońyraý shalý qajet. Kompıýterlik tomografııa ka­bı­netteriniń ótkizý qabiletin de eskerý kerek. Ár pa­sıentten keıin sanıtarlyq óń­deý júrgiziletindikten, bul kezek kútý ýaqytyn art­ty­rady. Osyǵan baılanysty elordada KT jumysyn táýlik boıy rejimine aýystyrdy.

Qazir elimizde 135 tomograf jumys isteıdi. Jarty jylda 1,6 mlrd teńgege 135 778 KT qyzmeti kórsetilgen. Qor úshin bir sýrettiń quny 7 215 teńge, al kontrastaý boıynsha 27,5 myń teńge turady.

Tynys alý joldarynyń aýrýlaryn dıagnostıkalaý úshin hattamaǵa jo­ǵa­ry ruqsaty bar sıfrly rentgenografııa appa­rattary engizilgen. Elimiz­de 3 myń­nan asa rentgen-apparaty ju­mys isteıdi. Onyń 1118-i jyljymaly, olar aýylda dıag­nostıkalyq qyzmet kór­setý úshin qol­da­nylady. Aýdandyq aýrýhanalar úshin taǵy 53 rentgen apparaty satyp alynyp jatyr.

 

Sońǵy jańalyqtar

«Ýkaznoı molda»: Ol kim?

Rýhanııat • Búgin, 22:45

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar