Zelenov aýdanyndaǵy Beles aýyly aýmaǵynan «Robinson-44» tikushaǵynyń synyqtary men qaldyqtary jáne opat bolǵan eki adamnyń denesi tabyldy dep habarlady Tótenshe jaǵdaılar departamentiniń baspasóz qyzmeti. Olardyń biri – esimi Aqjaıyq óńirine keńinen tanymal kásipker, jerge qulaǵan jekemenshik áýe kóliginiń ıesi Vladımır Volkov, ekinshisi – onyń qatar júrgen seriktes dosy Grıgorıı Polıanıchko ekeni belgili bolyp otyr. Oqıǵa ornynda bolǵan áriptesterimizdiń aıtýyna qaraǵanda, tikushaqtyń qıraǵan synyqtary 150 metrlik radıýsqa deıin shashylyp ketken.
Zelenov aýdanyndaǵy Beles aýyly aýmaǵynan «Robinson-44» tikushaǵynyń synyqtary men qaldyqtary jáne opat bolǵan eki adamnyń denesi tabyldy dep habarlady Tótenshe jaǵdaılar departamentiniń baspasóz qyzmeti. Olardyń biri – esimi Aqjaıyq óńirine keńinen tanymal kásipker, jerge qulaǵan jekemenshik áýe kóliginiń ıesi Vladımır Volkov, ekinshisi – onyń qatar júrgen seriktes dosy Grıgorıı Polıanıchko ekeni belgili bolyp otyr. Oqıǵa ornynda bolǵan áriptesterimizdiń aıtýyna qaraǵanda, tikushaqtyń qıraǵan synyqtary 150 metrlik radıýsqa deıin shashylyp ketken.
– Onyń bárin izdestirýmen, tikushaq bortynda jazylyp qalǵan jazbalardyń maǵynasyn ashý jumystarymen, tutastaı alǵanda tikushaqtyń apatqa ushyraý sebepterin anyqtaýmen azamattyq áýe komıtetiniń sarapshylary aınalysýda. Sondyqtan bul oqıǵa jóninde túbegeıli baılam jasaý ýaqyty jetken joq. Tek ázirge anyq baıqalǵan kórinis tikushaqtyń shashylyp ketken synyqtary men qaldyqtarynda kúıý men órtenýdiń belgileri joq, – dedi gazet tilshisine Oral kólik prokýrory Arman Muhambetqalıev.
Atalǵan derek boıynsha QR Qylmystyq kodeksiniń temirjol, áýe jáne sý kóliginde qozǵalys qaýipsizdigi erejelerin buzýǵa qatysty qylmystyq is qozǵaldy. Tıisinshe bul is Qylmystyq kodekstiń 295-babynyń 3-tarmaǵyna sáıkes keledi. Tergeý amaldaryn Oral stansasyndaǵy jelilik ishki ister bóliminiń qyzmetkerleri júrgizýde.
Ras, tikushaq ıesi ushar aldynda onyń baǵytyn jergilikti áýe qozǵalystaryn basqarý ortalyǵymen jáne «Kazaeronavıgasııa» qyzmetimen kelisken. Onyń ústine Vladımır Volkovtyń da, onyń janyndaǵy Grıgorıı Polıanıchkonyń da tikushaqty basqaryp ushýǵa ruqsat beretin kýálikteri bolǵan. «Robinson-44» álemdegi eń senimdi áýe kólikteriniń biri. Bul tikushaq ár eldegi polısııa jáne qutqarý qyzmetterinde keńinen qoldanylady. Onyń quny 650 myń AQSh dollary tóńireginde ekenin ınternettegi derek kózderi aıǵaqtaıdy. Qalaı desek te, «Robinsonnyń» senimdi ekenine qaramastan, Oral óńirinde osyndaı qaıǵyly jaǵdaı oryn aldy. Jazmyshtan ozmysh joq degen osy da.
Temir Qusaıyn,
«Egemen Qazaqstan».
Batys Qazaqstan oblysy.
