Astananyń baıyrǵy turǵyny, Otan soǵysynyń ardageri, belgili qalamger Ásken Nábıevtiń ómirden ótkenine biraz ýaqyt bolǵan edi. Jaqynda qalamger turǵan úıge eskertkish taqta ornatyldy.
Astananyń baıyrǵy turǵyny, Otan soǵysynyń ardageri, belgili qalamger Ásken Nábıevtiń ómirden ótkenine biraz ýaqyt bolǵan edi. Jaqynda qalamger turǵan úıge eskertkish taqta ornatyldy.
Onyń alǵashqy tyrnaqaldy dúnıeleri 1947 jyly jaryq kóripti. «Perızat», «Sholpan», «Qanat qaqqanda», «Asqar asýlar», taǵy basqa da jyr jınaqtary men prozalyq eńbekteri oqyrmandar qolyna tıip, joǵary baǵasyn alǵan. Búkil sanaly ǵumyryn ult rýhanııatyna arnaǵan jazýshy oblystyq beldi basylymdardyń redaksııalarynda qyzmet atqarǵan. Odan keıin 25 jyl boıy Qazaqstan Jazýshylar odaǵynyń Aqmola oblysy boıynsha keńesshisi bolǵan.
Kitaptaryna soǵys qaharmandary men eldi mekenderdegi qarapaıym adamdardyń erlikteri men eńbekterin arqaý etken Ásken Nábıevke ornatylǵan eskertkish taqtany ashý rásimine jınalǵan jurttyń qarasy biraz boldy. Ásirese, zamandastary myna qurmetke dán rızalyqtaryn bildirip jatty. Sóz alǵandardyń arasynda burynǵy Májilis depýtattary Amangeldi Syzdyqov, Jeken Qalıev, jazýshy Amantaı Káken Ásken aǵamyzdyń shyǵarmashylyǵyna jan-jaqty toqtalyp, jubaıy Farıda ekeýi 11 balany tárbıelep ósirgenin, úlgili otbasy bolǵanyn, urpaǵy qazir táýelsiz eline kináratsyz qyzmet etip jatqanyn da basa aıtty. Qalamgerge kórsetken qurmet, bul ult janashyryna jasaǵan jaqsylyq degen baılamdaryn da alǵa tartty.
Súleımen MÁMET,
«Egemen Qazaqstan».
