Al Shardara aýdanynda jergilikti kásipkerlerdiń demeýshiligimen aýdandyq ortalyq aýrýhana 17 ottegi konsentratorymen tolyqty. Qazirgi kezde aýrýhanada 20 ottegi apparaty naýqastardyń densaýlyǵyn jaqsartý úshin jumys isteýde.
Sondaı-aq Tólebı aýdandyq aýrýhanasyna "Bi Group" qurylys kompanııasy 3 dana ottegi konsentratoryn tabys etti. Al "Birlik 2020" qaıyrymdylyq qory Lengir qalalyq aýrahanasyna 2 dana, "Aıdyń nury" kompanııasy 1 ottegi konsentrator qurylǵysyn áperdi. Osyndaı ıgi isterden aýdan azamattary da shet qalǵan joq. Aýdandyq máslıhat depýtaty Álı Ámirálıev qalalyq aýrýhanaǵa 5 dana ottegi konsentratoryn tartý etti. Jáne de "Shuǵyla" qaıyrymdylyq qory tarapynan aýdandyq aýrýhanaǵa 5 dana ottegi konsentratory jetkizildi. Mamandar bul qurylǵylardy naýqastarǵa ókpeni jasandy jeldetý apparattaryna qosymsha kómek retinde qoldanýda. Indetpen kúresip jatqan medısına qyzmetkerlerin qoldap, kómek kórsetken jandarǵa aýrýhanalardyń ujymy alǵystaryn bildirdi.
Túrkistan oblysy
