Rýhanııat • 31 Shilde, 2020

Almatyda eriktiler et taratady

35 ret kórsetildi

Almatylyq eriktiler qurbandyqqa shalynǵan etti muqtajdarǵa taratýǵa kómektesedi. Bul týraly óńirlik kommýnıkasııalar qyzmetiniń alańynda ótken onlaın-brıfıng barysynda Almaty qalasyndaǵy "Ábý Bákir" meshitiniń Bas ımamy Áset Atashov aıtty, dep habarlaıdy Egemen.kz

Koronavırýs ınfeksııasynyń taralýyn boldyrmaý jáne turǵyndar qaýipsizdigin saqtaý maqsatynda  31 shilde men 2 tamyz aralyǵyndaǵy Qurban aıt  meıramy kezindegi qurbandyq shalý rásimi  onlaın formatta  ótetini buǵan deıin habarlanǵan bolatyn. Kez-kelgen almatylyq qurbandyq shalýǵa ótinishti  Qurban2020.kz  portalyna kirý arqyly bere alady. Ol úshin atalǵan mázirdegi qajetti jolaqtardy toltyryp, qurbandyqqa shalatyn maldy tandap, aqshasyn tóleýi qajet. "Qurbandyq shalynǵandyǵy týraly esep,  tapsyrys berýshige áp sátte jiberiletin bolady", deıdi joba ókilderi.

Atalǵan saıttyń kómegimen  muqtaj jandar da qurbandyq etin alýǵa ótinish tastaı alady. Ákimdikte áleýmettik jaǵynan az qamtylǵan otbasylar tizimi bar. Olarǵa ótinish bergen-bermegenine qaramastan qurbandyq eti úlestiriletin bolady. Osy maqsatta arnaıy shtab ta qurylǵan.

"Qurbandyqqa eti muqtaj otbasylarǵa beriletin bolady. Bul úshin Almatyda arnaıy shtab quryldy. Sondaı- aq eriktiler de bul qaıyrymdy iske jumyldyrylyp otyr. Jaratýshydan saýap úmit etip, halyqtyń alǵysyn alsaq degen azamattarǵa Alla razy bolsyn", deıdi "Ábý Bákir" meshitiniń  ımamy  Áset Atashov.

Este bolsa,  Almaty qalasy ákimdigi karantınniń alǵashqy kúni «Jastar loft» otalyǵynyń bazasynda shuǵyl eriktiler shtabyn qurǵan bolatyn. Onyń quramyna qala eriktileri men medısına jáne qoǵamdyq mekemeler kirdi. Shtabtyń negizgi jumysy – qysylǵan jandarǵa qol ushyn sozý.    

Eriktiler qaýipsizdigi úshin arnaıy kıim, medısınalyq betperde, antıseptık sekildi barlyq qorǵanys jaǵdaılary jasalǵan.

Olar qurban aıt kúnderi tańǵy saǵat  8.00-den keshki 20.00-ge deıin úzilissiz jumys isteıtin bolady.

Sońǵy jańalyqtar

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Elimizde 62 myńnan astam bala vaksına aldy

Koronavırýs • Búgin, 10:00

Dollar qaıtadan qymbattaı bastady

Qarjy • Búgin, 09:55

Qazaqstanda karantındik sharalar kúsheıtiledi

Koronavırýs • Búgin, 09:40

Uqsas jańalyqtar