Qoǵam • 31 Shilde, 2020

Keıbir jolaýshylar poıyzdarynyń qozǵalys kestesi ózgerdi

649 ret kórsetildi

Qolaısyz epıdemııalyq jaǵdaıdyń jalǵasýyna jáne engizilgen karantındik sharalarǵa, sondaı-aq jolaýshylar poıyzdaryndaǵy jolaýshylar aǵyny men tolý deńgeıiniń tómendeýine baılanysty, "Jolaýshylar tasymaly" aksıonerlik qoǵamy Indýstrııa jáne ınfraqurylymdyq damý mınıstrliginiń kelisimi boıynsha jolaýshylar poıyzdary qozǵalysynyń qoldanystaǵy kestesine ózgerister engizý týraly sheshim qabyldandy, dep habarlaıdy Egemen.kz

Tómendegi jolaýshylar poıyzdarynyń júrýi ýaqytsha toqtatylady:

1) 2020j. 9 tamyzdan bastap Nur-Sultannan jáne 2020j. 10 tamyzdan bastap Dostyqtan jóneltiletin № 258/257 "Nur-Sultan-1-Dostyq" poıyzy;

2) 2020j. 12 tamyzdan bastap Almatydan jáne 2020j. 13 tamyzdan bastap Shymkentten jóneltiletin №25/26 "Almaty-2 – Shymkent" poıyzy;

3) 2020j. 11 tamyzdan bastap Nur-Sultan - Nurly joldan jáne 2020j. 12 tamyzdan Almatydan jóneltiletin №4/3 "Nur-Sultan – Nurly jol – Almaty-2" poıyzy. 

Bul rette atalǵan poıyzdyń reısteri kelesi kúnder boıynsha toqtatylady: Nur-Sultan-Nurly joldan 2020j. 4, 6, 8 jáne 10 tamyz kúnderi, Almaty-2 den  2020j. 5, 7, 9 jáne 11 tamyz kúnderi.

Kelesi jolaýshylar poıyzdarynyń júrý jıiligi ýaqytsha qysqartylady:

1) №1/2 "Almaty-2 – Shymkent" baǵytyndaǵy poıyz aptasyna 3 retten 1 retke deıin, jóneltilýi Almatydan 2020j. 12 tamyzdan bastap (sársenbi kúnderi saqtalady), Shymkentten 2020j. 13 tamyzdan bastap (beısenbi kúnderi saqtalady);

2) №10/9 "Nur-Sultan-Nurly jol – Almaty-1"  baǵytyndaǵy poıyz kún saıynǵy kesteden kúnara, jóneltilýi  Nur-Sultan-Nurly joldan 2020j. 10 tamyzdan bastap (jup kúnderi saqtalady), Almatydan 2020j. 11 tamyzdan bastap (taq kúnderi saqtalady);

3) №11/12 "Almaty-2 – Shymkent" baǵytyndaǵy poıyz aptasyna 4 retten 2 retke deıin, jóneltilýi  Almatydan 2020j. 14 tamyzdan bastap (juma jáne jeksenbi kúnderi saqtalady), Shymkentten 2020j. 15 tamyzdan bastap (senbi jáne dúısenbi kúnderi saqtalady). Bul rette, atalmysh poıyz 2020j. 13 tamyzda Almatydan jóneltilýi toqtatyldy;

4) № 603/604 "Nur-Sultan-Nurly jol – Arqalyq" baǵytyndaǵy poıyz kún saıynǵy kesteden 4 kúnde 1 ret, jóneltilýi  2020j. 11 tamyzdan bastap Nur-Sultan-Nurly joldan (taq kúnderi saqtalady), Arqalyqtan 2020j. 12 tamyzdan bastap (jup kúnderi saqtalady);

5) № 67/68 "Nur-Sultan-Nurly Jol – О́skemen-1" baǵytyndaǵy poıyz kún saıynǵy kesteden 4 kúnde 1 ret, jóneltilýi Nur-Sultan-Nurly joldan 2020j. 12 tamyzdan bastap, О́skemennen 2020 jylǵy 13 tamyzdan bastap. Bul rette, atalmysh poıyz 2020j. 3, 5, 7, 9, jáne 11 tamyz kúnderi Nur-Sultan-Nurly joldan jóneltilýi toqtatylady;

6) № 31/32 "Almaty-2 – Pavlodar" baǵytyndaǵy poıyz kún saıynǵy kesteden bir kún saıyn, jóneltilýi 2020j. 4 tamyzdan bastap Almatydan (jup kúnder boıynsha saqtalady), 5 tamyzdan bastap Pavlodardan (taq kúnder boıynsha saqtalady). Bul rette, atalmysh poıyz Almatydan 2020j. 3 tamyzda jóneltilýi toqtatylady.

Atalǵan poıyzdarǵa buryn jol júrý qujattaryn (bıletterin) resimdegen jolaýshylar jol júrý qujattaryn qaıtaryp, bılet qunyn tolyq kólemde ala alady nemese basqa balama poıyzdarǵa bıletter satyp alýyna bolady.

Bıletter úshin tólemderdi qaıtarý bıletti satyp alý tásiline baılanysty qolma-qol jáne qolma-qol aqshasyz esep aıyrysý arqyly júrgiziledi.

Temirjol qatynasy Atyraý jáne Mańǵystaý oblystaryn qospaǵanda, respýblıkanyń barlyq óńirlerinde saqtalǵan.

Jolaýshylar poıyzdarynyń qozǵalys kestesi boıynsha barlyq anyqtamalyq aqparatty "105" nómiri boıynsha bilýge bolady.

Ulttyq tasymaldaýshy jolaýshylardan qabyldanǵan sharalarǵa túsinistikpen qaraýdy, koronavırýs ınfeksııasynyń taralýy kezinde belgilengen sanıtarııalyq-epıdemııalyq talaptardy saqtaýdy, sondaı-aq buryn jol júrý qujattary (bıletteri) satyp alynǵan poıyzdardyń mártebesin tekserýin suraıdy.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar