Aımaqtar • 02 Tamyz, 2020

Elordalyq jedel járdemge qońyraýlar sany 10 ese azaıdy

26 ret kórsetildi

Pnevmonııamen aýyratyndar sany 5 ese azaıdy, dep habarlaıdy elorda ákimdiginiń resmı saıty.

Qabyldanǵan karantın sharalary men aýrýhanalardaǵy ambýlatorııalyq emdeýdiń nátıjesinde, elordada naýqasqa shaldyqqandar men jedel járdem shaqyrý sanynyń tómendeý tendensııasy baıqalady. Qalada 11 254 indet juqtyrý jaǵdaıy tirkelse, olardyń 74,1%-y – 8 340 adam saýyǵyp shyqqan.

"Densaýlyq saqtaý uıymdary men dárigerlerge túsetin júktemeniń aıtarlyqtaı tómendeýi baıqaldy. Jedel járdemge qońyraýlar sany kúnine 4300-den 1500-ge deıin, ıaǵnı 3 ese azaıdy. Sonymen birge jedel járdemge KVI boıynsha túsetin shaqyrý sany 500-den 51-ge deıin, ıaǵnı 10 ese azaıdy. Pnevmonııamen aýyratyndar sany 5 ese azaıdy. Qaladaǵy koronavırýs indetiniń azaıý dınamıkasyn saqtap qalý úshin, sanıtarııa normalaryn qatań saqtaý qajet", – dedi qoǵamdyq densaýlyq saqtaý basqarmasy basshysy Tımýr Muratov.

28 shildede psıhıkalyq densaýlyq ortalyǵynyń bazasynda ornalasqan qaladaǵy alǵashqy juqpaly aýrýlar stasıonary jabyldy. 1 tamyzda QR Qorǵanys mınıstrliginiń bas klınıkalyq aýrýhanasy bazasynda 100 oryndyq provızorlyq stasıonar jáne "Ramada Plaza" qonaqúı kesheni bazasyndaǵy juqpaly aýrýlar stasıonary jabyldy.

Bir apta ishinde úsh aýrýhana josparly medısınalyq kómek kórsete bastady: №1, № 2 kópbeıindi qalalyq balalar aýrýhanasy jáne №2 kópbeıindi aýrýhana. Sonymen birge, densaýlyq saqtaý basqarmasy basshysynyń aıtýynsha, ınfeksııalyq jáne provızorlyq aýrýhanalar, qajet bolǵan jaǵdaıda, jetkilikti oryndarmen ashylýǵa daıyn bolady. Rezervte qosymsha nysandar qarastyrylǵan.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar