Parlament • 03 Tamyz, 2020

Parlament saılaýy keıinge shegerildi

14 ret kórsetildi

Gonkong bıligi koronavırýs pandemııasy saldarynan parlament saılaýyn keıinge shegeretinin málimdedi. Memlekettegi demokrattar bılikti bul áreketke óziniń álsizdiginen bardy dep aıyptap otyr.

Gonkong ákimshiliginiń basshysy Kerrı Lam qyrkúıekte ótýi tıis parlament saılaýyn kelesi jylǵa shegerý boıynsha zań qabyldaýǵa shaqyrdy. Osyǵan qatysty baspasóz máslıhatynda K.Lam saılaýdy 2021 jyldyń 5 qyrkúıeginde ótkizýdi usyndy. «Halyqtyń densaýlyǵy basty nazarda bolýy tıis. Sondyqtan bul qadamdy azamattarymyzdy qorǵaý dep túsiný kerek», dedi Gonkong ákimshiliginiń basshysy.

Bul jańalyqtyń eldegi demokrattardyń kóńilinen shyqpaǵany anyq. Olar muny bıliktiń óz kúshine senbeýi degen pikirin bildirip úlgerdi. Demokrattar memlekettegi Beıjińge qarsy tolqýlardy óz paıdasyna qoldanyp, narazylardy ózderiniń jaǵyna shyǵarýdy josparlap júrgen-di.

«Biz másele shyn máninde ádildik pen halyqtyń qaýipsizdiginde ekenine senimdi bolýymyz kerek. Sonymen qatar saılaýdyń da ádil ári ashyq ótýi mańyzdy», dedi Beıjiń qoldaýyndaǵy saıasatkerlerdiń biri. Al K.Lam sheshimniń tek pandemııamen baılanysty ekenin aıtyp baǵýda. Saıası shegerýlerdi Beıjiń de qajet ári zańdy dep tanydy.

Ákimshilik basshysynyń málimdemesine deıin 22 adamnan turatyn zań shyǵarýshy top bılikti eldegi ózgeristerge qarsy syltaý aıtty dep aıyptap, narazylyq tanytty. Sheshim qabyldanǵannan keıin oppozısııadan shyqqan ondaǵan kandıdattyń saılaýǵa qatysý týraly ótinishi keri qaıtarylyp, dıskvalıfıkasııa aldy. Olardyń qatarynda demokrat belsendi Djoshýa Ýong ta bar.

7,5 mıllıon adam turatyn qalada shildeden beri koronavırýs ınfeksııasy órship tur. О́tken beısenbide Gonkongta 3 100 naýqas tirkeldi. Bul aı basynan bergi kórsetkishten eki ese kóp. Gonkong basshylyǵy eldegi ózgeristerdiń zańdy ári búgingideı jaǵdaıda qalypty ekenin, 40-qa jýyq memlekettiń de saıası sharalardy keıinge qaldyrǵanyn aıtady.

Byltyr qarashada oppozısııalyq top aýdandyq keńes saılaýynda jeńiske jetken edi. Olardyń gonkongtyqtardy Qytaı sotyna jiberýge qarsy qozǵalysy qarsylastarynan basyp ozýǵa sebep boldy.

Esterińizde bolsa, Gonkong parlament saılaýy bıylǵy 6 qyrkúıekke josparlanǵan edi. Parlamenttegi 70 orynnyń jartysyn ǵana Gonkong turǵyndary saılaıdy. Qalǵan 35 múshesin shekteýli elektorat – bıznes pen bank ókilderi tańdaıdy.

Saıasatkerler saılaýdy keıinge shegerý el damýyna keri áser etip, daǵdarysqa sebep bolýy múmkin degen pikirin bildirdi. Jergilikti zań saılaýdy tek eki aptaǵa keıinge qaldyrýǵa ruqsat beredi. AQSh Gonkong bıliginiń bul sheshimin qoldamaıtynyn jetkizdi. Aq úı baspasóz hatshysy Keılı Makınanı munyń eldegi demokratııa prınsıpteri men bostandyqqa nuqsan keltiretinin aıtty. Al buǵan deıin AQSh prezıdenti Donald Tramp ta prezıdent saılaýyn pandemııaǵa baılanysty keri shegindirýdi usynǵan bolatyn.

Jalpy, saılaýdy ýaqtyly ótkizbeý gonkongtyqtardyń múddesine qarsy bolaıyn dep tur. О́ıtkeni jaqynda ǵana, ıaǵnı 1 shildede Qytaı ulttyq qaýpsizdikti qamtamasyz etý maqsatynda Gonkongte jańa zań engizdi. Soǵan saı, Beıjiń jergilikti bılikti esepke almaı halyqty jaýapqa tartý quqyǵyna ıe boldy. Bul, álbette Gonkongtyń jergilikti bıliginiń jumysyna aralasý. Oǵan qosa jańa zań negizinde Gonkong jerinde qytaılyq erejeler de zańdy kúshke ıe. Eldegi oppozısııanyń erte qamdanýyna negiz bar. Alaıda eldegi Qytaı jaqtastarynyń áreketteri demokrattarǵa kedergi keltirýde.

Sońǵy jańalyqtar

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar