Qaraly habardy onyń joldasy Tóleýtaı Rahymbekov óziniń Facebook jelisindegi paraqshasynda jazdy. Buǵan deıin Saltanat Rahymbekovanyń 11 shildede aýrýhana tósegine tańylǵany týraly habardar etken.
"Aty óshkir pnevmonııa meniń otbasymnan syrt aınalmady. Meniń Saltanatym, meniń súıikti Saltýsham jansaqtaý bólimine túsip qaldy. Dene qyzýy 39 jáne odan joǵary. Dárigerler muny koronavırýstan emes deıdi, al men olarǵa senemin. Saltanat josparly emdelý kýrsyn ótip jatqan, sol kezde pnevmonııa anyqtaldy. (...) Sondyqtan bizdiń dárigerler, medbıkelerden, sanıtar áıelderden artyq eshkim joq ekenine senimdimin! Meni keshirińizder! Men jeke basyma, otbasyma qatysty eshqashan jarııalamaıtyn edim. Myna vırýs eń jaqsy adamdardy jalmap bara jatqanyn bilemin. Densaýlyqtan artyq eshteńe joq. Alla men arýaqtardan bári jáne Saltýsham úshin duǵa etemin", dep habarlady Tóleýtaı Rahymbekov.
S.Rahymbekovanyń qaıtys bolǵany týraly aqparatty Facebook-te qoǵam qaıratkeri Murat Ábenov te aýyr ókinishpen jazdy.
"Biz jaqyn dos, áriptes, seriktes jáne pikirles bola bilgen Saltanat Rahymbekovany joǵaltyp aldyq... Ol bul aýrýmen uzaq ýaqyt kúresti. Súıikti jubaıy Tóleýtaı Rahymbekov qolynan kelgenniń bárin jasady. Saltanat Temirqulqyzynyń qazir bizben birge bolmaǵanyna sený qıyn. Tókege, balalaryna, jaqyndarynyń qaıǵylaryna ortaqtasyp, kóńil aıtamyn", delingen habarlamada.
