Shara aıasynda quqyq buzýshylyqtyń aldyn alý úshin kóshe patrýliniń jumysyn kúsheıtip, bólim esebinde turatyndardy jáne qarý ıelerin tekserý júrgizildi. Sonymen qatar turǵyndarǵa buzaqylyq, bóten múlik qylmysynyń aldyn-alý maqsatynda túsindirme jasaldy.
Turǵyndardyń meken-jaılaryn aralaý kezinde osy ákimshilik aımaqqa jaýapty ýchaskelik polısııa ınspektorlarynyń aty-jónderi, qyzmettik jáne uıaly baılanys telefondary kórsetilgen vızıtkalar taratyldy. Profılaktıkalyq shara barysynda turǵyn úılerdiń aýlalarynda mas kúıinde júrgen 5 azamat anyqtalyp, ýaqytsha beıimdeý ortalyǵyna ornalastyryldy. Olarǵa qatysty Ákimshilik quqyq buzýshylyq týraly kodekstiń 440-babyna sáıkes ákimshilik hattamalar toltyryldy.
Sonymen qatar, el aýmaǵynda tirkeýsiz nemese jeke basyn kýálandyratyn qujatsyz turýdyń 25 deregi, ortaq paıdalanylatyn oryndardy lastaýdyń 2 oqıǵasy, túnde turǵyn jaıdan tys jerde júrgen 2 jasóspirim anyqtalyp, olardyń ata-analarymen profılaktıkalyq áńgimelesý ótkizildi.
Atalǵan baǵyttaǵy jedel profılaktıkalyq is-sharalar alda da jalǵasady
