Aımaqtar • 04 Tamyz, 2020

Elordalyq garnızonda PTR-zerthanasy ashylady

31 ret kórsetildi

Apparattyq keńes barysynda Qorǵanys mınıstrliginiń basshylyǵymen Ońtústik óńirdiń bólimderi men bólimshelerin tekserý qorytyndysy, sonymen qatar Qarýly Kúshterdi kadrlarmen jasaqtaý máseleleri qarastyryldy. Odan bólek, normatıvtik-quqyqtyq bazasyna ózgerister engizý jáne basqa da ózekti baǵyttar talqylandy.

Qorǵanys mınıstri general-leıtenant Nurlan Ermekbaev áskerlerdi úzdiksiz daıarlaý prosesi týraly aqparatty tyńdady. Sonymen qatar, ótken aptada Qorǵanys mınıstriniń birinshi orynbasary - Qazaqstan Respýblıkasy Qarýly Kúshteri Bas shtabynyń bastyǵy general-leıtenant Murat Bektanovtyń basshylyǵymen Ońtústik aımaqtyń bólimderi men bólimshelerine tekserý júrgizildi. Nátıjesinde áskerı qyzmetshilerge ózderiniń jaýyngerlik ázirlikteri men tıimdilikterin taǵy dáleldeýlerine týra keldi.

Jeke quram tank, jaýyngerlik mashına, qarýdan atý boıynsha jaqsy jáne óte jaqsy dep baǵalanyp, dene daıyndyǵynan da osal emes ekendigin kórsetti.

Bólimshelerdiń ózara birlesken jumysy men áskerı qyzmetshilerdiń joǵary deńgeıdegi ustamdylyqtary eskerildi. Sonymen qatar merzimdi áskerı qyzmetshiler arasynda júrgizýshi men mehanık-júrgizýshilerdiń  jetispeıtindigi jáne olardyń daıyndyq deńgeıi jetkiliksiz ekendigi atap ótildi.

Odan bólek, Mınıstrdiń tapsyrmasy boıynsha Almaty óńirlik garnızonyndaǵy áýe shabýylyna qarsy bólimshelerdiń kezekshi kúshteri men quraldary kenetten tekserildi.  Áýede shabýyldaýshy keme retinde túrli áýeaılaqtarynan avıasııa ushaqtary, soqqy beretin jáne barlaý ushaqsyz ushý apparattarymen kúzetiletin nysandarǵa (shartty túrde) soqqy jasady. Zenıttik-zymyran bólimshelerimen jiberilgen soqqy jibergen nysanalar der kezinde anyqtalyp, (shartty túrde) joıyldy. Sonymen birge tekserý barysynda anyqtalǵan kemshilikterdi joıý tapsyryldy.

«Armııa halyqaralyq oıyndary - 2020» saıysynyń Tank bıatlony jarysyna qatysatyn komandanyń daıyndyq barysy talqylanyp, konkýrsqa qatysýshylardyń kásibı deńgeıin arttyrý boıynsha birqatar naqty tapsyrmalar berildi.

Kún tártibindegi máseleniń biri retinde Qarýly Kúshterdi merzimdi qyzmetke mamandarymen, onyń ishinde áskerı-tehnıkalyq mektepterdiń túlekterimen tolyqtyrý máselesi aıtyldy. Qorǵanys mınıstri áskerı-tehnıkalyq mamandyqtardyń sanyn arttyrý maqsatynda Áskerı-tehnıkalyq mektepterde daıarlaý baǵdarlamasyn qaıta qarastyrýdy tapsyrdy.

Áskerı medısına salasyna qatysty qajetti oryndar men medısınalyq qyzmetkerlerdiń sanyn eskere otyryp, Covid-19 jáne JRVI taralý múmkindigine ázirlikti qamtamasyz etýdi tapsyrdy.

Bas áskerı-medısınalyq basqarmasynyń bastyǵy medısına qyzmetiniń polkovnıgi Tımýr Oshaqbaevtyń aıtýynsha aǵymdaǵy jyly Nur-Sultan men Aqtaý qalalarynda sanıtarlyq dárigerlerdiń qosymsha shtattyq sany kóbeıtilgen. PTR-testileýinen ótýdiń jalpy jetispeýshilik jaǵdaıynda jeke menshik medısınalyq uıymdarynyń zerthanalarymen taldaý jasaý týraly kelisimshart jasaý arqyly sheshildi.

Mınıstr Aqmola óńirlik garnızonyn PTR-zerthanasymen qamtamasyz etý jumysyn jedeldetýdi, barlyq áskerı qyzmetshiler men qyzmetkerlerdiń sanıtarlyq-epıdemıologııalyq sharalardy qatań saqtaýlaryna, Covid-19 indetin ýaqytyly anyqtap, emdeý qajettiligine nazar aýdarýdy tapsyrdy.

Qazirgi kezde jumys jasap turǵan gospıtalder men lazaretterge qarasty qosymsha ınfeksııalyq bólimsheler (bokstar)  soǵý múmkindigi qarastyrylatyn bolady. Mańǵystaý oblysynda gospıtal tapshy ekendigi aıtyldy.

Apparattyq keńes barysynda áskerı qyzmetshiler, olardyń otbasy músheleriniń áleýmettik qamtamasyz etý máseleleri qarastyryldy jáne qoldanystaǵy zańnamaǵa ózgerister engizý máseleleri de qarastyryldy.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar