Aımaqtar • 04 Tamyz, 2020

Shymkentte mobıldi toptar 53 myń naýqasty tegin dárimen qamtamasyz etti

180 ret

kórsetildi

1 mın

oqý úshin

Shymkent qalasyndaǵy emhanalar janynan quralǵan mobıldi toptar 53 myń naýqasty tegin dárimen qamtamasyz etti. Medısına mamandary dárilik zattardy dıspanserlik esepte turatyn naýqastardyń úıine jetkizip bergen, dep jazady Egemen.kz

Nurshat TО́KEN

Shymkentte mobıldi toptar 53 myń naýqasty tegin dárimen qamtamasyz etti

Mobıldi top qyzmetkerleri táýlik boıy jumys jsaıdy. Búgingi tańǵa deıin 17 myńnan asa naýqastyń úıine baryp, medısınalyq qyzmet kórsetken.
Qazir qaladaǵy emhanalarda 211 mobıldi top qala turǵyndaryna medısınalyq qyzmet kórsetýde. Budan bólek, mamandar 608 831 adamǵa medısınalyq qajettilikteri boıynsha qońyraý shalǵan. Aıta ketý kerek, mobıldi toptar halyqqa mynandaı qyzmetter kórsetedi:
- naýqasty tekserý, onyń jaǵdaıyn baǵalaý;
- COVID-19 kúdikti naýqastardy jedel jáne PTR-testileý;
- kórsetkishter boıynsha rentgenografııaǵa nemese kompıýterlik tomografııaǵa joldama berý;
- qandaǵy ottegimen qanyqtyrý 93% tómendegen jaǵdaıda ımpýlstik oksımetrııany júrgizý, qajetti mamanmen aýdıo nemese vıdeo keńes berýdi uıymdastyrý;
- «Koronavırýstyq ınfeksııa COVID-19» dıagnozy men emi úshin klınıkalyq hattamaǵa sáıkes dári-dármekterdi taǵaıyndaý;
- úıde emdeý nemese stasıonarǵa jatqyzý týraly máseleni sheshý.