Aımaqtar • 04 Tamyz, 2020

Qostanaılyq polıseıler turǵyndarǵa maska taratty

29 ret kórsetildi

Qostanaılyq polıseıler turǵyndarǵa maska taratty,  dep jazady Egemen.kz

Oblys polıseıleri men "Bolshevıchka" tigin fabrıkasy osydan biraz ýaqyt buryn qolǵa alǵan dástúrli shara búgin taǵy jalǵasty. Aksııany uıymdastyrýshylardyń aıtýynsha, pandemııa bastalǵaly polıseıler kóshede turǵyndarǵa myńnan astam maska taratqan.

- Men Nur-Sultan qalasynan keldim. Bizde mundaı aksııalar ótpeıdi, sondyqtan tańǵalyp qalǵanym ras. Azamattarǵa janashyrlyq tanytqany úshin polısııaǵa rahmet. Bul maskalardyń otandyq tiginhanalardan shyǵyp jatqany qýanyshty. Men kóshede maska taǵyp júrý kerek degen talapty tolyq qoldaımyn. Bul májbúrli túrde bolǵanmen, asa qajetti shara dep túsinemin, - deıdi Gúlmıra Birjanova.

Búginde kóshede maska taǵyp júrýdi qostanaılyqtardyń kóbi ádetke aınaldyrǵan. Burynǵydaı maska tapshylyǵy joq. Baǵa da turaqtandy. Degenmen sharany uıymdastyrýshylar kóshedegi kisige sapaly ári tegin maskany tosyn syıǵa tartý arqyly jalpy turǵyndar jaýapkershiliginiń artýyna yqpal etemiz dep biledi.

- Mundaı aksııalardy biz dástúrli túrde ótkizip turamyz. Pandemııa bastalǵaly qajetti sharalardy túsindirý sharalaryna belsendi atsalysyp kelemiz. Bul baǵyttaǵy jumys áli de jalǵasa beredi, - dedi patrýldik polısııa batalonynynyń ınspektory Qýanysh Izbasarov.

 

Sońǵy jańalyqtar

Tórt klýb top bastap tur

Fýtbol • Búgin, 00:00

Ezop pen Abaı

Rýhanııat • Keshe

Shyndyq pen ótirik

Qazaqstan • Keshe

Aıbardyń armany

Rýhanııat • Keshe

Túrkistanǵa 3000 jyl

Rýhanııat • Keshe

Uqsas jańalyqtar