2020 jylǵy 3 tamyzda Qazaqstan Respýblıkasy Indýstrııa jáne ınfraqurylymdyq damý mınıstri Beıbit Atamqulov Salalyq máseleler jónindegi keńestiń kezekti otyrysyn ótkizdi.
Jıyn barysynda jer qoınaýyn paıdalanýǵa berilgen kelisimderdiń merzimin uzartý, jer qoınaýyn paıdalanýshylar men olardyń jetkizýshileriniń qatty paıdaly qazbalardy óndirý boıynsha operasııalar ótkizýde qoldanylatyn taýarlar, jumystar men qyzmetterdi satyp alý tártibin jetildirý jaıy qaraldy.
Kólik salasyna qatysty kóliktik baqylaý tirekteriniń jumysyn uıymdastyrý máselesi qarastyryldy. Sondaı-aq, eńbek ónimdiligin arttyrýǵa jáne óńirlik klasterlerdi damytýǵa baǵyttalǵan ındýstrııalyq-ınnovasııalyq qyzmet sýbektilerin memlekettik qoldaý máseleleri talqylandy.
Oǵan qosa Keńes otyrysynda normatıvtik quqyqtyq bazany jetildirýge baǵyttalǵan birqatar tolyqtyrýlar maquldandy. Atalǵan máseleler Mınıstrlik deńgeıinde tıisti normatıvtik quqyqtyq aktilerge ózgertýler men tolyqtyrýlar engizý arqyly iske asyrylady.
Barlyq jańalyqtarmen ári qaraı maquldanǵan jaǵdaıda múddeli taraptar zańnamaǵa sáıkes tanysa alady. Barlyq normatıvtik quqyqtyq aktiler qoǵamdyq talqylaý úshin jarııalanady.
