Is-sharaǵa "Azamattarǵa arnalǵan úkimet" memlekettik korporasııasy Almaty qalasy fılıalynyń basshylyǵy, Qaýipsizdik jónindegi ókil, polısııa qyzmetkerleri jáne SOBR jaýyngerleri qatysty.
Shara uıymdastyrýshylary avtokólik ıelerin mamandandyrylǵan halyqqa qyzmet kórsetý ortalyqtarynyń aýmaǵynda óz qyzmetterin usynatyn deldaldarǵa senbeýge shaqyrdy.
Jasyratyny joq, olar óz qyzmetterin májbúrlep usynýmen qatar, kelýshilerdiń narazylyǵyn týdyrýda.
"Azamattarǵa arnalǵan úkimet" memlekettik korporasııasynyń Almaty qalasyndaǵy fılıaly quqyqbuzýshylyqty boldyrmaý maqsatynda quqyq qorǵaý organdarynyń qatysýymen júıeli túrde osyndaı is-sharalar ótkizip turady. Anyqtalǵan quqyq buzýshylyq faktileri bolyp jatsa, fılıaldyń qaýipsizdik qyzmeti ishki tergeý júrgizip, kinálilerge tártiptik jaza qoldanylady. Búgin de kezekti ret HQO aýmaǵynda "deldaldardyń" zańsyz áreketterin boldyrmaýdyń aldyn alý sharalaryn júrgizdik. Sonymen qatar karantın kezindegi saqtyq sharalaryn, áleýmettik qashyqtyqty saqtaý jáne betperde kııý qajettiligi jaıly túsindirdik", - deıdi fılıal dırektory Danııar Qyryqbaev.
