Densaýlyq saqtaý vıse-mınıstri Lıýdmıla Bıýrabekovanyń aıtýynsha, jansaqtaý bólimderin keńeıtý is-sharalary kún tártibinde turǵanyn aıtyp ótti. Buǵan qosa, kezekti koronavırýstyq ınfeksııanyń ekinshi tolqynyna arnalǵan boljam da ázirlenip jatyr.
Osy oraıda, shilde aıynda indetpen aýyrǵan naýqastarǵa aldyn ala esepteý júrgizilip, aýrýhanalardyń tósek oryn sany men jansaqtaý bólimderin keńeıtý sharalary jóninde boljamdar jasalǵan.
Lıýdmıla Bıýrabekova: "Alqashqy boljamda tek koronavırýstyq indetpen aýyratyn naýqastardy ǵana esepke alǵan. Al tamyzdyń 1-inen bastap elimizde koronavırýs pen pnevmonııanyń statıstıkasy biriktirilgen bolatyn. Osyǵan baılanysty boljamdy qaıta qaraý týraly sheshim qabyldanyp jatqanyn qosa ketti".
Sondaı-aq vıse-mınıstr jahan boıynsha pandemııanyń ekinshi tolqyny kúzde bolatyny týraly aıtyp ótti. Ekinshi tolqynǵa daıyn bolý úshin boljamdardy durys ári naqty ázirleý kerektigin málimdedi. Taıaý arada arnaıy josparlanǵan qujatty jarııalaıtynyn naqty aıtty.
