COVID-19-ǵa qatysty ahýalǵa baılanysty Qazaqstanda karantın engizilgeli, Nur-Sultan qalasy ákimdiginiń sporttyq-buqaralyq is-sharalardy ótkizý dıreksııasy qashyqtan jumys jasaýǵa kóshken. Dıreksııa karantın kezinde @elordasport Instagram paraqshasynda "ONLINE-SUHBAT" aıdary, "ONLINE-Jattyǵý", "ONLINE-Jarystar" jáne aptanyń seısenbi jáne juma kúnderi tynys alý jattyǵýlary boıynsha efırler ótkizýde. Osy kúnge deıin elimizge belgili sport sheberlerimen 25 suhbat uıymdastyrylǵan. Onyń ishinde Eldos Smetov, Islam Baıramýkov, Aqjúrek Tańatarov, Qýat Hamıtov jáne Arman Ospanov syndy kásipqoı sportshylarmen de suhbattar bar. Sonymen qatar Rımma Volosenko, Aıgerım Abılkadyrova, Erbol Mýsabaev, Aıtym Jakýpov jáne Vasılıı Tahtaı sııaqty elimizge tanymal sport sheberlerimen jattyǵýlar ótti.
"Dıreksııa osy ýaqytqa deıin ZOOM baǵdarlamasy arqyly 8 onlaın jarys ótkizdi. Atap aıtqanda, planka jasaýdan, «Family Victory» otbasylyq jarysy, Abaı Qunanbaevtyń 175 jyldyǵyna oraı toǵyzqumalaqtan ashyq-onlaın týrnır, Esil aýdanynyń mektep oqýshylary arasynda bes asyqtan onlaın jarys, Kekýshınkaı-karate oqýshylary arasynda KATA boıynsha, elorda turǵyndary arasynda dop soǵý, týrnıkte tartylý boıynsha jáne doıbydan onlaın-jarystar men týrnırler ótti. Jalpy, ONLINE-jarysqa 500-ge jýyq Nur-Sultan qalasynyń turǵyny qatysty", delingen dene shynyqtyrý jáne sport basqarmasynyń habarlamasynda.
Aldaǵy ýaqytta, sport kúnine oraı múmkindigi shekteýli jandar arasynda shahmattan onlaın jarys, ulttyq sport túrlerinen onlaın jarystar, konstıtýsııa kúnine oraı onlaın sportttyq is - sharalar josparlanýda. Sharalar týraly qosymsha aqparat @elordasport Instagram paraqshasynda aldyn ala jarııalanyp, sporttyq is sharalar "ZOOM" baǵdarlamasy arqyly ótedi.
