Elshilik bul sheshim Túrkııa men Qazaqstan arasynda jolaýshylar tasymalyn júzege asyratyn barlyq avıakompanııalardy arnalǵan. Sheshim qabyldanǵannan keıin 5 jáne 6 tamyzǵa josparlanǵan sońǵy ózara reıster qajetti ruqsattardy berý arqyly oryndaldy.
Reısterdi qaıta bastaý týraly másele pandemııanyń betalysyn eskere otyryp qaralatyn bolady.
"Túrkııa baýyrlas Qazaqstannyń koronavırýs pandemııasymen kúres aıasynda qabyldaǵan sharalaryn baǵalaıdy", - delingen habarlamada. Elshilik osy ýaqytqa deıin Túrkııadan Qazaqstanǵa eki ret medısınalyq kómek jetkizilgenin eske saldy.
Esterińizge sala keteıik, buǵan deıin mádenıet jáne sport mınıstrligi Týrızm ındýstrııasy komıtetiniń tóraǵasy Dastan Ryspekov 10 tamyzdan bastap Túrkııaǵa týrıstik reısterdi qaıta bastaý josparlary týraly málimdegen bolatyn.
