2020 jylǵy qańtar-maýsym aılarynda Qazaqstan astanasynda "Astana" ÁKK" UK AQ "1000 oryn –kóshe saýdasy" baǵdarlamasyn iske asyrý sheńberinde 37 jer ýchaskesin qosalqy jaldaý sharty jasaldy: halyqtyń áleýmettik osal toptaryna jatatyn tulǵalar úshin "Atameken" О́KP kvotasy boıynsha 16 ýchaske, www.gosreestr.kz portalyndaǵy saýda qorytyndysy boıynsha 21 ýchaske bólindi.
"11 jer ýchaskesi daıyn ónim nysandaryna: sýsyndar, balmuzdaq, fastfýd, ekeýi – mobıldi tehnıkalyq qyzmet kórsetý úshin, úsh ýchaske – tamaq ónimderin satatyn stasıonarlyq emes nysandarǵa (shujyq, sút, nan – toqash), bir jer ýchaskesi – turmystyq qyzmet kórsetý servısiniń stasıonarlyq emes nysanyn ornalastyrý úshin, úsheýi – gúl pavılondary úshin jáne 17 ýchaske-jemister men kókónisterdi satý úshin bólindi", dep habarlaıdy "Astana" ÁKK" UK" AQ.
"1000 oryn – kóshe saýdasy" – bul kóshe saýdasyn retteý, kóshe saýdasy salasyndaǵy qyzmetterdiń sapasyn jaqsartý, kásipkerlik sýbektileri úshin ákimshilik rásimderdi jeńildetý, qajetti standarttardy saqtaı otyryp, qalalyq stasıonarlyq emes saýda obektilerinde saýda quqyǵyn berýdiń ashyq, qarapaıym tetigin qurý. "1000 oryn – kóshe saýdasy" jobasyna qatysý úshin IP/JShS týraly kýáligi men salyqta qaryzy joq degen anyqtama ǵana kerek.
Jalǵa alýdyń quny jylyna 1 sharshy metri 20 myń teńge. Biraq kásipker jeńip shyqqan jaǵdaıda bekitilgen ekstererge sáıkes pavılondy ózi ornatýy tıis jáne kommýnıkasııany da ózi qosady. Baǵdarlamany iske asyrýdyń qaǵıdasy qarapaıym jáne eki kezeńnen turady: birinshi kezekte kásipker pavılon ashqysy keletin jer ýchaskesiniń ornyn sýretke túsirip, mekenjaıyn ÁKK-ne ótinishpen jiberedi.
Ári qaraı "Astana" ÁKK ol ótinishti sáýlet, qala qurylysy jáne jer qatynastary basqarmasyna beredi. Olar óz kezeginde ótinishti ákimdiktegi barlyq múddeli memorgandarǵa joldaıdy – olar TJ, aýdan ákimdikteri men basqa da qalanyń memorgandary.
Olardy oń sheshim shyǵaryp, qabyldaǵan jaǵdaıda ÁKK ekinshi kezeńine kirisedi – 50-70 saýda kóshesine ruqsat beretin oryndy jınaqtap, taǵy da konkýrs jarııalaıdy. ÁKK saıtynan, qala saıtynan jáne aımaqtyq kásipkerler palatasynyń saıtyna sýreti bar jer ýchaskesi týraly barlyq aqparatty eki apta boıy ilip qoıady, sebebi kez kelgen úmitker onymen tanysyp, óziniń usynysyn bere alady.
