"Sizderdi jasóspirimder arasyndaǵy Four Cities Friendship Chess Championship 2020 - Junior Division halyqaralyq onlaın shahmat bəsekesinde jeńiske jetýlerińizben shyn júrekten quttyqtaımyn!
Sizder halyqaralyq shahmat kúnine oraı uıymdastyrylǵan tartysty bəsekede basym túsip, qatarlastaryńyzdyń aldy ekenderińizdi pash ettińizder. Komandalyq aýyzbirshilik tanytyp, aqyl-oı ústemdigin aıǵaqtaıtyn kezdesýlerde oza shapqandaryńyz orasan eńbek pen jeńiske degen erik-jigerdiń nátıjesi dep bilemin.
Aldaǵy ýaqytta da týma daryndaryńyz ben qarym-qabiletterińizdi ushtastyryp, tolaıym tabystarǵa qol jetkize berińizder.
Osynaý oraıly sətti paıdalana otyryp, barshańyzǵa zor densaýlyq, bıik beles, qajymas qaırat tileımin!",-dep jazylǵan quttyqtaý hatynda.
Aıta keteıik, onlaın match-týrnırine Nur-Sultan, Gonkong, Sıngapýr jáne Penanga (Malaızııa) qalalarynan komandalar qatysty. Astana shahmat komandasynyń atynan QR chempıondary men chempıonattardyń jeńimpazdary: Abdýllaev Aıat, Aqylbaı Imanǵalı, Sapenov Danııal, Ańsat Aldııar, Hajatuly Álıhan, Nurǵalıev Saýat, Talǵatov Nazar, Mamedov Edgar, Aryn Alıdar, Qýandyquly Danıs, Namazkeev Nursultan, Absattar Alısher, Qalıza Aıjaryq, Nurǵalıeva Zarına, Japarbekova Malıka, Qalıahmet Elnaz, Dıasqyzy Dalııa, Amanjol Hanzada baq synasty.
Nátıjesinde elordalyq komanda 44 upaı jınap, I oryndy ıemdendi.
