О́ner • 10 Tamyz, 2020

Art-ónerge arqaý bolǵan asyl beıne

30 ret kórsetildi

Abaı kúni qarsańynda Qostanaıdaǵy birneshe kópqabatty turǵyn úılerdiń qabyrǵasynda uly aqynnyń beınesi bederlengen pannolar paıda boldy.

 

Záýlim úıdiń búkil bir qa­byr­ǵasyn jaýyp turǵan alyp kenepte Abaı, Shyń­ǵys­taý, kók maısa shópti kózge elestetin ult­tyq órnekke shomylǵan qazaq aýyly, onyń ar jaǵynda kókke umtylǵan jasyl-jalqyn nurǵa malyn­ǵan qus beınesindegi Abaı mýzasy beınelengen. О́ner týyndysy Reseıdegi jalǵyz zaýytta ǵana shyǵarylatyn arnaıy kom­pozıtti materıaldan jasalypty. Jergilikti dızaınerler zamanaýı kór­kem týyndynyń jasalý ádisi men ıdeıasyn eýropalyq árip­testerinen alǵan syńaıly. Ba­tys­ta mundaı kompozısııalar óte kóp kezdesedi.

Biz únemi kórgen adamnyń kóńiline erekshe bir tosyn sezim uıalatatyn meı­linshe jańa dú­nıelerdi jasaǵymyz keledi. Bul joly Qostanaıdaǵy alys­tan kóz tartatyn záýlim úı­lerdiń qabyr­ǵalaryn paıdalanyp, Abaı Qunan­baıulynyń 175 jyldyǵyna oraı, birtýar aqynnyń beınesin zamanaýı óner tilimen sýretteýdi jón dep taptyq. Muny Abaı kú­ni merekesi qarsańynda qala tur­ǵyndaryna jasaǵan tamasha tar­týymyz dep bilińizder. Týyn­dy kóp­shilik kóńilinen shyǵyp jatyr. Tam­sanyp-tań­ǵalyp jatqan jandar kóp, deıdi jergilikti jarnamalyq-óndiristik birlestik basshysy Natalıa Býlatova.

Kompozısııalyq týyndynyń bi­raz bóligi alıýmınııden ja­salǵan. Qabyr­ǵadaǵy Abaı beı­nesiniń ystyq-sýyqta, jaýyn-shashyn men qarly boranda boıaýyn joǵaltpaýy úshin dızaınerler osyndaı sheshimge kelgen. Keneptegi qus­tardyń kem­pirqosaqqa malyn­ǵan qanat­tatry túnde birneshe túske boıa­lyp qubylyp janyp turady. Dızaınerlerdiń aı­týyn­sha, uly aqyn­nyń mýzasy ispettes ushyp bara jat­qan qustar Abaıdyń bolashaqqa degen úmiti men senimin ha­lyqqa degen súıispenshiligin beıneleıdi. Asa sheber­likpen oryndalǵan qabyrǵadaǵy óner týyndysy ásirese tún ýaqy­tyn­da alýan boıaýǵa malynyp erekshe qubylyp, qulpyra túsedi.

Qalanyń ajaryn asha túsken taǵy bir kórneki dúnıe – «Abaı juldyzdary» dep atalatyn ja­ryqdıodty ınstallıasııa.

1

– Bul ınstallıasııany Abaı dań­­ǵylynyń boıyndaǵy №16-shy úıdiń qabyrǵasyna orna­lastyrdyq. Kókten tamyp kete jazdap turǵan úl­ken ja­ryq juldyzdar Abaı shy­ǵar­ma­shy­lyǵynyń bizge tú­sip turǵan sáýlesi sııaqty. Uly aqynnyń ǵajaıyp poezııasy men dana oılary ǵasyrdan-ǵasyrǵa ula­syp, ár zamannyń keregine jarap, osylaısha sáýle túsirip turady, – dedi N.Bý­latova.

Munyń syrtynda, taıaý kún­deri Qos­tanaıdaǵy I.Omarov atyndaǵy oblys­tyq qazaq drama teatrynyń aldyna alyp kitap túrindegi art-nysan qoıyl­maq. Ásem tuǵyrǵa ornatylǵan ashyq kitaptardan Abaıdyń halyqtyń rýhanı qazynasyna aınalyp ketken óleńderi men qara sózderin oqýǵa bolady. Ashyq kitaptyń eni – eki metr. Al bıiktigi, astyndaǵy tuǵyryn qosa eseptegende, 3 metrge deıin jetedi. Qazir art-nysannyń bólshekteri jasalyp jatyr. Tamyz aıynyń sońyna taman teatrdyń aldyna qoıylady.

 

QOSTANAI

 

Sońǵy jańalyqtar

Turǵyn úı baǵasy qashan turaqtaıdy

Qazaqstan • Búgin, 15:55

Bas basylymnyń PDF nusqasy aqyly negizge aýysty

Egemen Qazaqstan • Búgin, 15:30

Búgin bir óńir «jasyl» aımaqqa ótti

Aımaqtar • Búgin, 11:55

Qazaqstanǵa AstraZeneca vaksınasy jetkizile me

Koronavırýs • Búgin, 11:04

Qazaqstanda kún qaıta sýytady

Aýa raıy • Búgin, 10:43

Elimizde taǵy 2229 adam koronavırýs juqtyrdy

Koronavırýs • Búgin, 09:11

Nur-Sultanda aýa sapasy nasharlaıdy

Aýa raıy • Búgin, 09:05

Qazaqstan Madrıdte oınaıdy

Tennıs • Búgin, 08:30

Bızıbordtar balany damytady

Rýhanııat • Búgin, 08:28

Jamanqulov mansabyn aıaqtady

Sport • Búgin, 08:26

Pandemııadaǵy paıym

Koronavırýs • Búgin, 08:21

Saýda ortalyqtarynda vaksına salady

Qoǵam • Búgin, 08:17

Indetten saqtyq qana qutqarady

Aımaqtar • Búgin, 08:15

Qaı eldiń teleserıalyn kóresiz?

Qoǵam • Búgin, 08:12

Uqsas jańalyqtar