“Polısııa qyzmetinde”102” operatorlarynyń jumysy mańyzdy ról atqarady. Bul qyzmettiń basty mindeti-azamattyń habaryn jazyp alý, oqıǵanyń qaı túrine jáne qaı aýmaqtyq bólimge qońyraý shalatynyn durys anyqtaý, barlyq aqparatty kompıýterge arnaıy baǵdarlamany qoldana otyryp engizý.
“102” operatorlarynyń jumys kúni jıynnan jáne tańǵy nusqaýdan bastalady, onda aǵymdaǵy táýlikte Aqtaý qalasynyń aýmaǵynda jasalǵan qylmystar boıynsha jedel aqparat habarlanady. Operatorlarǵa qylmystar men oqıǵalar týraly neǵurlym mańyzdy aqparat jetkiziledi. Operatorlar bul aqparatty jumys dápterlerine jazyp, sodan keıin jumysqa kirisedi.
"Kezekshi bólimniń mindeti qylmystar men quqyq buzýshylyqtar týraly kelip túsken barlyq habarlamalardy qabyldaý bolyp tabylady. Sodan keıin biz kelip túsken barlyq qońyraýlardy qylmys jasalǵan aýmaqqa jiberemiz. Eger jol-kólik oqıǵasy oryn alsa, patrýldik qyzmet batalonynyń qyzmetkerlerine aqparat beremiz. Kún saıyn “102” operator qyzmetine 600-ge jýyq qońyraý túsedi. Sonymen qatar, 80-90 túrli ótinishter, al qalǵan qońyraýlar aqparattyq sıpatta bolady, ıaǵnı azamattar gaz, tólqujat jáne basqa qyzmetterdiń telefondaryn bilý úshin qońyraý shalady. Bundaı aqparatty da biz beremiz", – deıdi Aqtaý qalasy PB JBO aǵa ınspektory Rýslan Kaýltaev.
Aıta ketý kerek, beınebaqylaý kameralarynyń kómegimen jeti aı ishinde 13 myńnan astam ákimshilik quqyq buzýshylyq anyqtaldy. Quqyq buzýshylyqtyń eń kóp taralǵan túri — jol qozǵalysy erejelerin buzý, onyń sany segiz myńnan asady. Jyl basynan beri Aqtaýda kezekshi táýlikte 700-den astam qylmys ashyldy.
