"Batpaldap kirip, mysqyldap shyǵyp jatqan indet irgemizden áli kete qoıǵan joq. Denmınniń degenin oryndap, vırýstyń taralý ósimin toqtattyq. Degenmen, kúrestiń kúshi báseńdemeıdi. Túbi bir tilekshimiz Túrik aǵaıyndar da bilgenimen bólisýge daıyn. Vırýsqa qarsy «soǵystaǵy» basty jaýynger Alekseı Soı Ankaraǵa arnaıy baryp keldi. Aýrýhanasyn aralap, dárigerlerdiń ozyq ádistemelerin surady. Qoldanystaǵy resýrsty tıimdi qoldaný boıynsha pikir almasty. О́z kezeginde qazaqstandyq delegasııasyna bastap barǵan Premer-Mınıstrdiń orynbasary Eraly Toǵjanov Túrik tarapyna elimizdegi qabyldanǵan sharalar týraly baıandap berdi. Jahan jurtshylyǵynyń tóbe shashyn tik turǵyzǵan indetpen kúreste odan ári birlesip áreket etýge shaqyrdy. Atap aıtqanda, dári-dármek pen naýqastardy emdeýge qajetti jabdyqtar óndirisi boıynsha áriptestik ornatýǵa ýaǵdalasty. Túrkııa Respýblıkasynyń Densaýlyq saqtaý mınıstri Fahrıtın Koja qazaq delegasııasynyń barlyq usynysy nazardan tys qalmaıtynyn jetkizdi. Eraly Toǵjanov pen Alekseı Soıdyń Túrkııa Respýblıkasyna sapary naqty nátıjemen qorytyndylandy", delingen habarlamada.
