Bıyl "Jańa Almaty" baǵdarlamasy aıasynda shetsiz qala qaǵıdasyn negizge ala otyryp, Alataý aýdanynda jalpy uzyndyǵy 47,4 shaqyrymdy quraıtyn 177 kóshede jańa joldardyń qurylysy júrgizilip jatyr. Onyń ishinde búgingi kúnde 112 kóshe boıynda uzyndyǵy 18,6 shaqyrymdyq jańa joldar qurylysy aıaqtaldy. Jyl sońyna deıin qalǵan 65 kóshede uzyndyǵy 28,8 shaqyrym jol qurylysyn aıaqtaý josparlanýda. Sonymen qatar uzyndyǵy 200 shaqyrymdy quraıtyn 283 kóshege ortasha jóndeý júrgizý jáne uzyndyǵy 30 shaqyrym trotýar, 80 aıaldama alańdary men qaltalardy ornatý jáne jóndeý josparlanǵan. Qalanyń kóshe-jol jelisindegi jol jamylǵysyn aǵymdaǵy jóndeýmen 300 myń m2 asfaltbeton jabynyn jóndeý josparlanǵan. Búgingi kúni uzyndyǵy 62,6 shaqyrymdy quraıtyn 91 kóshe ortasha jóndeýden ótti. Sondaı-aq 151 myń m2 kóleminde aǵymdaǵy jóndeý jumystary jáne uzyndyǵy 19,2 shaqyrym trotýar salý jumystary oryndaldy.
3 kólik jolaıryǵy qurylysy (Rysqulov dańǵyly – Emsov kóshesi, Seıfýllın dańǵyly – Jansúgirov kóshesi, Buqtyrma kóshesi – Qulja kúre joly), Abaı dańǵyly men Saın kóshesin uzartý jumystary jalǵasýda.
Sondaı-aq 5 jaıaý júrginshiler ótkelderiniń qurylysy boıynsha jumystar bastaldy (Soltústik aınalma kóshesi – Moskvın kóshesiniń soltústigindegi, Soltústik aınalma kóshesi – Jumabaev kóshesiniń soltústigindegi, Soltústik aınalma kóshesi – Boraldaı kóshesiniń ońtústigindegi, Maılın kóshesi – Toqaı kóshesindegi, Maılın kóshesi – Qapal kóshesiniń ońtústigindegi). Bıylǵy jyldyń aıaǵyna deıin atalmysh jumystardy tolyq atqarý josparlanǵan.
Odan basqa, qazirgi ýaqytta Almaty qalasynyń 9 shaǵynaýdanyndaǵy (Alǵabas, Shańyraq-5, О́jet, Samǵaý, Shapaǵat, Quramys, Álmerek, Nurshashqan, Qaırat shaǵyn aýdandary) jalpy uzyndyǵy 118 shaqyrymdyq jol qurylysy, Dýman shaǵynaýdanyndaǵy joldardy kúrdeli jóndeý, Tóle bı kóshesin uzartýda jobalyq-smetalyq qujattamalar ázirleý jumystary jalǵasyn taýyp otyr.
Joldar ınfraqurylymy jáne kóshe-jol jelisi nysandaryna 21 merdigerlik uıym jumyldyrylǵan, sonyń ishinde 4100 jumysshy men 1007 tehnıka birligi jumysqa tartylǵan.
Metropolıtenniń birinshi jelisi ekinshi kezegi ekinshi iske qosý kesheniniń qurylysy jalǵasýda, ol "Dostyq" jáne "Saryarqa" beketterin jáne batys baǵytta Abaı dańǵyly boıymen Altynsarın dańǵylynan Momyshuly kóshesine deıin uzyndyǵy 3,1 shaqyrym metro jelisin qamtıdy.
Bıyl úshinshi iske qosý kesheniniń qurylysy bastaldy, ol Abaı dańǵyly boıymen Iаssaýı kóshesinen Áshimov kóshesine deıin jáne Qalqaman shaǵynaýdanynda Áshimov kóshesiniń astymen soltústik baǵyttaǵy uzyndyǵy 2,4 shaqyrym "Dostyq" beketi – "Qalqaman" beketi aralyq tonnelderin qamtıdy.
"Dostyq" pen "Saryarqa" metrostansalary 2021 jyly aıaqtalady dep josparlanýda. Al "Qalqaman" stansasynyń qurylysy endi bastaldy.
ALMATY
