Armenııa Respýblıkasynan ákelingen kólik quraldaryn Qazaqstan Respýblıkasy Salyq kodeksiniń 615, 553-baptarynda belgilengen tártipte memlekettik tirkeý úshin alym men memlekettik bajdar tóleı otyryp, basqarý organdary sol jaqta ornalasqan, Armenııa Respýblıkasynyń ýákiletti organdarynda Qazaqstan Respýblıkasynyń azamattaryna tirkelgen jáne Qazaqstan Respýblıkasyna 2020 jylǵy 1 aqpanǵa deıin ákelingen kólik quraldaryn tirkeý júzege asyrylýda.
Maýsym aıynan beri Qyzylorda qalasynyń 200 turǵyny Armenııa Respýblıkasynan ákelingen kólik quraldaryn Mamandandyrylǵan halyqqa qyzmet kórsetý ortalyǵyna qajetti qujattardy usynyp jáne memlekettik baj tólemderin tóleý arqyly óz kólik quraldaryn tirkedi.
Esepke alynǵan mashınalarǵa sary nómir berildi. Oń jaq róldi kólikter tirkeýge jatpaıdy.
Búgingi tańda Mamandandyrylǵan halyqqa qyzmet kórsetý ortalyǵynda Qyzylorda oblysy Polısııa departamentiniń Ákimshilik polısııa basqarmasynyń qyzmetkerleri turǵyndarǵa keńes berip, Call – ortalyǵy arqyly túsindirme jumystary júrgizilýde.
Tirkeý jumystarynyń 1 qyrkúıekke deıin júrgiziletindigin eskere otyryp, Qyzylorda oblysynyń Polısııa departamenti turǵyndardan Armenııa Respýblıkasynan ákelingen avtokólikterdi tirkep úlgerýin suraıdy.
