"Shetki aýmaqtar boıynsha 200 shaqyrym joldyń negizgi bóligi – bul shamamen 50%-dan astamyna ortasha jóndeý júrigizildi. Ol Alataý, Naýryzbaı jáne Bostandyq aýdandary. Buryn qatty jabyndy bolmaǵan shaǵyn aýdandarda jobalyq-smetalyq qujattary ázirlenýde. Atalǵan JSQ júzege asyrylǵannan keıin shamamen 111 shaqyrym jol paıda bolady", - dep atap ótti spıker.
Sonymen qatar 9 aýdanda JSQ ázirleý aıaqtalyp keledi. Jalpy bıylǵy jyly uzyndyǵy 47,4 shaqyrym bolatyn Almaty qalasynyń 177 kóshesinde jańa joldar salynýda. Onyń ishinde uzyndyǵy 18,6 shaqyrym bolatyn 112 kóshe boıynsha jol qurylysy aıaqtaldy. Jyl sońyna deıin uzyndyǵy 28,8 shaqyrym bolatyn qalǵan 65 kósheniń jolyn salýdy aıaqtaý josparlanýda.
Jol ınfraqurylymynyń sapasyna qatysty suraqtar boıynsha qala turǵyndary 1308 nomeri boıynsha Open Almaty qoǵamdyq qabyldaýǵa júgine alady, bolmasa áleýmettik jelilerdegi Almaty qalasynyń qalalyq mobıldilik Basqarmasynyń akkaýnttaryna habarlasýǵa bolady.
