"Koronavırýsqa qarsy vaksına barlyq halyqaralyq sertıfıkattaýdan ótkende ǵana satyp alynady. Sarapshylardyń sózine sensek, álemdegi úzdik zerthanalar vaksına daıyndaýdyń úshinshi kezeńinde. Alda áli tórtinshi kezeń bar. Bul kezeńge eshkim jete qoımady. Osy tórtinshi kezeńnen soń ǵana halyqaralyq sertıfıkattaýdan ótý bastalady. Onyń qaı elde jáne qandaı zerthanada ótetini ázirge belgisiz", - dedi Baǵdat Qojahmetov.
Sondaı-aq ol Qazaqstannyń koronavırýsqa qarsy vaksınany satyp alý boıynsha ózge eldermen ýaǵdalastyǵy joq ekenin sóz etti.
"Vaksına klınıkalyq zertteýlerdiń barlyq kezeńinen ótpeıinshe Qazaqstan ony satyp almaıdy. Qazaqstan tek barlyq halyqaralyq sertıfıkattaýdan jáne tekseristen ótken vaksınany satyp alady. Biraq qazirgi tańda álemde ondaı vaksına joq", - dedi ol.
