11 tamyz kúni saǵat 15:20-da Qyzyljar aýdany Penkovo aýylynyń mańyndaǵy "Chelıabi – Novosibir" jolynda "Toyota Camry" kóligin basqarǵan Maǵjan Jumabaev aýdanynyń 62 jastaǵv turǵyny qarsy baǵytqa shyǵyp ketip, Býlaevo qalasynyń 56 jastaǵy turǵyny basqarǵan "KamAZ" avtokóligimen betpe-bet soǵylǵan.
Jol-kólik oqıǵasy saldarynan "Toyota Camry" avtokóliginiń júrgizýshisi jáne 1957 jylǵy jolaýshysy alǵan jaraqattarynan oqıǵa ornynda qaza tapty. "KamAZ" júrgizýshisi zardap shekken joq. SQO PD bastyǵynyń birinshi orynbasary Qanat Aıtbaevtyń aıtýynsha, jol-kólik oqıǵasy faktisi Sotqa deıingi tergep-tekserýdiń biryńǵaı tizilimine 345-baby 4-bóligi (Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) boıynsha engizildi.
Birqatar qajetti saraptama taǵaıyndalyp, júrgizilýde. Bıylǵy jyldyń jeti aıynda SQO-da 98 jol-kólik oqıǵasy tirkeldi, 13 adam qaıtys bolyp, 129-y jaraqat aldy. Polıseıler barlyq jol qozǵalysyna qatysýshylardy Jol qozǵalysy qaǵıdalaryn qatań ustaný qajettigi týraly eskertedi.
