Túrkistan oblysynda "Qamqorlyq" baǵdarlamasy júzege asyrylyp keledi. Maqsaty – áleýmettik jaǵdaıy asa tómen, kómekke muqtaj turǵyndarǵa kómektesý. Olardy jan-jaqty qoldaý. Bul baǵdarlamany "Nur Otan" partııasynyń Túrkistan oblystyq fılıaly men oblys ákimdigi birlesip úılestirdi. Igi bastama turǵyndar tarapynan joǵary baǵalanyp otyr.
Jyl basynan beri «Qamqorlyq» keshendi baǵdarlamasy aıasynda 1643 otbasy tizimge alynyp, olarǵa kómek berildi. Onyń ishinde 34 otbasyna turǵyn úı alyp berilse, 75 adam turaqty jumyspen qamtylǵan. Al 178 adam aqyly qoǵamdyq jumysqa tartylǵan. Baspana alyp berýge kásipkerler, el azamattary men mektep túlekteri belsendi atsalysýda. «Baqytty otbasy» partııalyq jobasy aıasyndaǵy baǵdarlama arqyly 1339 otbasyna azyq-túlik, kıim-keshek berilip, materıaldyq kómek berilip keledi.
Búgingi tańda oblys ákimi О́mirzaq Shókeevtiń tapsyrmasymen aýdan, qala ákimderi men «Nur Otan» partııasynyń Túrkistan oblystyq fılıaly belsendi jumys júrgizýde. Sondaı-aq barlyq aýdan, qalalarda arnaıy komıssııa qurylyp, kýratorlar jasaqtalǵan.
