Onyń maqsaty – qaladaǵy qozǵalys ahýalyna jalpy taldaý jáne monıtorıng júrgizý, qolmen retteýdi uıymdastyrýdyń eń qolaıly qıylystaryn anyqtaý, qalanyń negizgi kóshelerin zertteý, keptelý qubylystarynyń sebepteri men jaǵdaılaryn zertteý jáne joıý.
– Sońǵy jyldary Almaty qalasynyń kóshelerinde jáne avtokólik joldarynda kólik aǵyndarynyń tyǵyzdyǵy edáýir artty, osyǵan baılanysty polısııa jol qozǵalysyn uıymdastyrýdy jaqsartý boıynsha sharalar qabyldaýda. Jol qozǵalysyna kedergilerdiń sebepterin anyqtaý, qozǵalysty uıymdastyrýǵa ózgertýler men túzetýler engizý týraly jedel sheshim qabyldaý úshin jol boıyndaǵy qaýipsizdiktiń jaı-kúıin edáýir jaqsartatyn jáne iri qalanyń joldaryndaǵy jazataıym oqıǵalar men jaraqattaný deńgeıiniń tómendeýine tıimdi áser etetin tikushaq patrýlderin qala boıynsha qaıta iske qosý týraly sheshim qabyldandy, – dedi Almaty qalalyq Polısııa departamentiniń bastyǵy Qanat Taımerdenov.
Polısııa sonymen qatar kesheden beri áýe reısi TJD tikushaǵynyń negizinde oryndalǵanyn aıtty. Áýe kúzetine ákimshilik polısııanyń jáne jergilikti polısııa qyzmetiniń basshylary qatysady, olar joldaǵy jaǵdaıdy qustyń kózimen baqylaıdy jáne patrýldik brıgadalarǵa onlaın rejıminde qozǵalys qıyn jerler týraly aqparattar beredi.
