Temir jol kóligi jáne halyqaralyq tasymaldaý salasynda eńbek ótili bar P.Shtýrm, 25 jyl boıy halyqaralyq kompanııalarda túrli basqarý qyzmetterin atqarǵan. Buǵan deıin ol ınnovasııalar men ózgeristerdi engizýdegi jaýapty bólimshelerdi basqardy, jyljymaly quramdy satyp alý jáne qyzmet kórsetý, aqparattyq tehnologııalardy engizý, temir joldardy paıdalaný jáne t. b. salalarda qyzmet atqardy.
Shtýrm myrza básekege qabilettilikti jáne klıentterdiń nazaryn jaqsartý baǵytynda júrgizilip jatqan barlyq ózgerister jalǵasyn tabatyndyǵyna sendirdi.
Onlaın rejımindegi óziniń alǵashqy apparattyq keńesinde jańa basshy "Jolaýshylar tasymaly" AQ qurylymdyq bólimsheleri men vedomstvoǵa qarasty uıym basshylarynyń jolaýshylarǵa servıstik qyzmet kórsetý sapasyna, ıaǵnı jolaýshylar vagondaryn jýý men jınaý jáne tósek-orynnyń sapasyna basa nazar aýdardy. Sapa menedjmentiniń jańa júıesin engizý esebinen klıentterge qyzmet kórsetý deńgeıin arttyrý qajet, ıaǵnı kompanııanyń bıznes-prosesterin jaqsartý maqsatynda júıeli qatelikterdi únemi anyqtap, jumys isteý kerek. Jolaýshylar poıyzdaryndaǵy tósek-oryn jabdyqtarymen jáne jumsaq almaly-salmaly múkámmalmen jabdyqtaý sapasy, sondaı-aq klınıng jáne sanıtarlyq-gıgıenalyq quraldarmen jaraqtandyrý boıynsha engiziletin jańa standart máseleleri Kompanııa basshylyǵynyń turaqty baqylaýynda bolady.
Bas dırektor "Soltústik" óńirlik fılıalynda standartty jolaýshylar vagondaryna arnalǵan alǵashqy eki dárethana modýliniń demonstrasııalyq jınaǵymen tanysty. Poıyzdardaǵy sanıtarlyq toraptardy jańartý, olardyń estetıkasyn, qolaılylyǵyn jáne jolaýshylar úshin jaılylyq deńgeıin túbegeıli arttyrýǵa múmkindik beredi. Dárethanalyq modýlderdi ornatý jumystary aǵymdaǵy jyldyń qyrkúıek aıynda bastalady dep josparlanýda.
Esterińizge sala keteıik, buǵan deıin basshy bolǵan Kortıým myrza densaýlyǵy men jeke jaǵdaılaryna baılanysty "Jolaýshylar tasymaly" AQ bas dırektory qyzmetinen ketýge sheshim qabyldady.
