Ǵarysh monıtorıngi mınıstrlik qyzmeti baǵyttarynyń biri jáne ol memlekettik organdardyń taldaý jasaýyna jáne óz salasy boıynsha mindetterin sheshýine múmkindik beredi.
Osy jumystyń nátıjesinde jyl bastalǵaly 12 geoservıs jumysy ózekti etildi, 3,5 myń birlik nemese 1,5 mln sharshy km tunyqtyǵy joǵary ǵarysh túsirilimderi usynyldy. Sondaı-aq, ortasha ajyratymdylyqtaǵy sýretter bar, olardyń sany 75 birlik nemese 440 myń sharshy km. asady.
Ǵarysh monıtorınginiń nátıjeleri memlekettik organdardyń óz jumysynda qoldanýy úshin mamandandyrylǵan geoservısterge júkteledi. Budan basqa, derekterdi ıntegrasııalaýdy oryndaý úshin jergilikti atqarýshy organdardyń aqparattyq júıelerimen salystyrý turaqty júrgiziledi.
Mysaly, ǵaryshtyq monıtorıng arqyly búginde jalpy aýdany 350 myń sharshy km-den astam aýyl sharýashylyǵy alqaptarynyń pishini ózektendirildi, shamamen 19 mln gektar dándi daqylǵa arnalǵan egistik alańy anyqtaldy. Sondaı-aq, orman aǵashyn kesýdiń 1104 polıgony qanshalyqty zańǵa saı jumys istep jatqany taldandy. Ǵarysh sýretteri tótenshe jaǵdaılardy anyqtaýǵa da kómektesedi: 87 myńnan astam termaldi núkte belgili boldy jáne 1073 órt oqıǵasy tirkeldi, órtengen aýmaqtyń aýdany 650 myń gektardan asady.
