"Chaıhana", "Kofehana" jáne "Lavash fýd" jumysshylary karantındik sharalarǵa qaramastan, áleýmettik qashyqtyqty saqtamaı klıentterdi qabyldady. Mobıldi top kelgen kezde polısııa, epıdemıologtar, eriktiler, jergilikti atqarýshy organdardyń ókilderi "Lavash fýd" tez tamaqtaný bólmesinde 30 adam boldy.
13 tamyzda túngi saǵat 22.00-01.00 aralyǵynda "Almaty" aýdany boıynsha eki saýna, "TOM YUM" bar, "Barys 2" Palaý ortalyǵy jumys istedi, onyń kabınalarynda 15 adam otyrdy jáne Saraıshyq kóshesindegi "Týman" kalıan shegýge qyzmet kórsetken. Klıentterge qatysty QR ÁQBK 441-baby boıynsha 4 ákimshilik hattama jasaldy.
Barlyq quqyq buzýshylarǵa qatysty materıaldar jınalyp, sheshim qabyldaý úshin taýarlar men qyzmetterdiń sapasy men qaýipsizdigin baqylaý basqarmasyna jiberildi.
Nur-Sultan qalasynyń Polısııa departamenti azamattarǵa karantındik sharalardy buzǵany úshin jaýapkershilik týraly eskertedi jáne sanıtarlyq normalardy saqtaýǵa shaqyrady.
