QR EGTRM turǵyndardyń shaǵymy boıynsha Aqmola oblysy Stepnogorsk qalasynyń irgesindegi Bestóbe jáne Aqsý kenishterinde altyn óndirýmen aınalysatyn kompanııalar tobyn tekserip, birqatar zańbuzýshylyq anyqtady.
Buǵan deıin aýyl turǵyndary las aýamen tynystap, shańnyń ortasynda qalyp otyrǵandaryn aıtyp, Bestóbe jáne Aqsý kenishteriniń jumysyna shaǵymdanǵan. Tekserý barysynda jeldi kúnderi Bestóbe, Aqsý jáne Zavodskoe aýyldaryn shynymen de shań basatyny rastaldy.
Sondaı-aq, aýyl irgesinde mınıstrlikti memlekettik ekologııalyq qorytyndysyz qaldyqtardy saqtaý ornyn jáne fabrıka qurylysynyń bastalǵany anyqtaldy. Turǵyndardyń sózinshe, «Altyn almas» kompanııalar tobyna qarasty «Aqsu technology» kompanııasy bul eki nysandy turǵyndardyń kelisiminsiz salyp alǵan.
Al altyn óndirýshi kompanııa ókilderi mundaı qadamǵa qaldyqtardy saqtaıtyn oryn qalmaǵandyqtan barǵandaryn aıtýda. Qazir mınıstrlik ókilderi qurylys jumystaryn toqtatyp, kásiporyndy jaýapkershilikke tartty.
QR EGTRM Ekologııalyq retteý jáne qadaǵalaý komıtetiniń ókilderi kompanııa basshylaryna shuǵyl arada qoǵamdyq tyńdaý ótkizip, halyqtyń kelisimin alýdy talap etti. Eger jergilikti turǵyndar kenishtiń jumys isteýine kelisimin bermese, memlekettik ekologııalyq qorytyndynyń oń nátıjesi berilmeıtinin eskertti.
Ekologııalyq retteý jáne qadaǵalaý komıtetiniń tóraǵasy Zýlfýhar Joldasov «kompanııa qaıtadan qoǵamdyq tyńdaý ótkizip, halyqtyń kelisimin alyp, tıisti qujattaryn zańdastyrǵanda ǵana qurylysyn jalǵastyra alady», - dep málimdedi.
О́z kezeginde altyn óndirýshi kompanııa ókilderi halyqtyń aldyndaǵy áleýmettik jaýapkershilikterin oryndap, eski qaldyqtardy saqtaý oryndaryn rekýltıvasııalaýǵa jáne birinshi kezekte osy aýyldyń turǵyndaryn jumysqa qabyldaýǵa ázir ekendikterin málimdep otyr.
