Degenmen mamandar áli de bosańsýǵa bolmaıtynyn eskertedi. Búgin Almaty qalasynyń bas memlekettik sanıtarlyq dárigeriniń shekteý sharalaryn kezeń-kezeńimen jeńildetý týraly qaýlysy shyqty. Qalada senbi-jeksenbi kúnderi karantın kezindegideı qoǵamdyq kólikter júrmeıdi. Jáne barlyq mádenıet oshaǵy men dinı nysandardyń ashylýyna ruqsat joq. Medeý, Shymbulaq jáne Býtakovka sekildi taýly aımaqtarǵa kólikpen kirýge bolmaıdy.
Jaıaý júrginshilerge tek jumys kúnderi ǵana serýendeýge ruqsat. Sondaı-aq búgin kóptegen kásiporyn men saýda ortalyqtary jumysyn qaıta jalǵastyrdy. Biraq olardyń tolymdylyǵy 30 prosentten aspaýy tıis.
Narıman Ábilshaıyqov, qalalyq kásipkerler palatasynyń dırektory: "Búgingi kúnnen bastap osy karantın jeńildetildi. Bizdiń palata sarapshylary sanap shyqty. Búgingi kúnnen bastap qalamyzdyń 51 myń kásipkeri óz jumysyn jandandyrady. Bularda isteıtin adamnyń sany 200 myńnan asyp otyr. Bul kóbine qalamyzdyń saýda ortalyqtary, bazarlary bar. Qalamyzdyń 27 bazary. Sondyqtan ótken senbi-jeksenbi ákimdikpen birlese otyryp, olardyń aýdıtin jasap, búgingi kúnnen bastap bular óz jumysyn bastap ketti", deıdi ol.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
