Elorda • 17 Tamyz, 2020

Nur-Sultanda koronavırýs boıynsha shaqyrýlar sany edáýir azaıdy

39 ret kórsetildi

Nur-Sultanda Covid-19 boıynsha jedel járdem shaqyrý sany táýligine 500-den 6-ǵa deıin azaıdy (83,3 ese tómendedi). Shaqyrýlardyń jalpy sany 3 ese – táýligine 3 myńnan 1 myńǵa deıin tómendedi. Stasıonarlarda pnevmonııamen aýyratyn naýqastardyń sany 7 ese azaıdy. Bul týraly elordanyń baspasóz qyzmetine silteme jasaı otyryp Egemen.kz habarlaıdy.

Qabyldanǵan karantın sharalarynyń arqasynda ınfeksııanyń taralý tizbegin úzip, medısına uıymdary men qyzmetkerler júktemesin edáýir azaıtýǵa qol jetkizildi.

"Qazirgi ýaqytta stasıonarlarda 343 adam bar. Aýrýdyń sharyqtaý sheginde 4 myńǵa jýyq adam boldy. Alty aptaǵa sozylǵan karantınniń arqasynda koronavırýstyń taralýyna baılanysty jaǵdaı retteldi. Memleket qabyldaǵan sharalar dárigerlerge óz jumystarymen tikeleı aınalysýǵa – adam ómirin saqtaýǵa múmkindik berdi. Medısına qyzmetkerleri árbir naýqasqa tıisti kóńil bóldi. Biz tómendeý dınamıkasyn jalǵastyryp qana qoımaı, karantın nátıjelerin de bekitýimiz kerek. Infeksııa taralmaýy úshin bárin jasaý kerek. Muny boldyrmaý tek qatań sanıtarlyq-epıdemıologııalyq normalardy saqtaý arqyly ǵana múmkin. Karantındi jeńildetý vırýs túbegeıli joıyldy degendi bildirmeıdi. Onyń qaýpi áli de bar. Týystaryńyzdy qorǵaý úshin qatań sanıtarııa normalaryn ustanyp, qonaqqa, adam kóp jınalatyn oryndarǵa barýdan bas tartý qajet", dedi elorda ákimi Altaı Kólginov.

16 stasıonardyń altaýy jabyldy – olardaǵy barlyq naýqastar emdelip shyqty. Stasıonarlardyń júktemesi 99%-dan 17,2%-ǵa deıin tómendedi. Barlyq qalalyq emhanalar aldyn ala jazylý boıynsha josparly qabyldaýdy qaıta bastady. KVI belgileri barlardy qabyldaý boıynsha fıltr-kabınetterdiń jumysy jalǵasýda.

Ákimdik medısına mekemelerine 600-den astam floýmetr, 500 ottegi konsentratory, 500 arnaıy kerýet, ókpeni jasandy jeldetý jáne kompıýterlik tomografııa apparattaryn jetkizdi. Medısına jabdyqtary men dári-dármek satyp alý boıynsha jumystar turaqty negizde júrgizilýde.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar