N.Ábdirahmanovtyń aıtýynsha, 2019 jylǵa deıin qazaqstandyqtar mıkrokredıttik seriktestikterdiń qyzmetterin belsendi paıdalandy. Osyǵan baılanysty, osy salada belgili bir problemalar jınaqtaldy. «Mundaı uıymdardyń joǵary paıyzdyq mólsherlemelerdi belgileýinen, aıyppuldar men ósimpuldar salýdan adamdar jıi zardap shegedi. О́tken jyly biz alaıaqtyq jaǵdaılaryn baıqadyq. Osyǵan baılanysty 2019 jyly osy jyldyń basynan bastap mıkrokredıttik kompanııalardy retteýdi engizetin zań qabyldandy», - dedi N.Ábdirahmanov.
Sonymen birge, onyń aıtýynsha, karantınge baılanysty kóptegen mıkrokredıttik seriktestikterdiń qyzmeti shekteýli jáne toqtatyldy. Olardyń barlyǵy tirkeýden ótý múmkindigine ıe bolmady, sondyqtan tirkeý merzimi 1 qyrkúıekke deıin uzartyldy.
Retteýshi salyq túsimderin jáne bıýdjetke tólenetin basqa da mindetti tólemderdi qamtamasyz etý jónindegi memlekettik organmen kelise otyryp, berilgen mıkrokredıtter boıynsha aktıvter men shartty mindettemelerdi jikteý, sondaı-aq olarǵa qarsy provızııalar (rezervter) qurý erejelerin ázirleıdi jáne bekitedi.
Agenttiktiń quzyretine lombardtardyń qyzmetin tekserý, lombardtardyń Qazaqstan Respýblıkasynyń qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly zańnamasynda kózdelgen talaptardyń saqtalýyn baqylaý, sonymen qatar 01.07-den keıin ótpegen lombardtardy májbúrlep qaıta qurý nemese joıý týraly sotqa shaǵym berý kiredi.
Sonymen qatar, Memleket basshysynyń tapsyrmasyna sáıkes kelesi jyldan bastap barlyq mıkrokredıttik seriktestikterdi mindetti lısenzııalaý engiziletin bolady. Agenttik zańnamaǵa tıisti túzetýler ázirledi. Olar 2021 jylǵy 1 qańtardan bastap Agenttiktiń lısenzııasyn alǵan uıym ǵana mıkrokredıt bere alady dep kózdeıdi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
