Arhımed Muhambetov medısına qyzmetkerleri adam densaýlyǵy úshin aldyńǵy qatarda ekenin atap ótti.
"Qazir búkil álem koronavırýstyq ınfeksııanyń taralýynan týyndaǵan qıyn kezeńdi bastan ótkerip jatyr. Sizder, medısına qyzmetkerleri, adamdardyń densaýlyǵy úshin aldyńǵy qatarda boldyńyzdar jáne áli de kúresip kelesizder", – dedi óńir basshysy.
Búgingi tańda oblystyń densaýlyq saqtaý júıesinde 15 myńnan astam medısına qyzmetkeri, onyń ishinde 1800 dáriger jáne 6 myńnan astam orta medısına qyzmetkeri jumys isteıdi.
Oblystyń myńnan astam medısına qyzmetkeri KVI dıagnostıkasy jáne emdeý jumystaryna tartylǵan. Bul rette, COVID-19-ben kúreske tartylǵan adamdar 2 mlrd teńgeden astam tólem aldy.
Sonymen qatar, mamandardy tartý boıynsha jumystar júrgizilip jatyr.
2019 jyly Qostanaı oblysyna 265 dáriger keldi, aǵymdaǵy jyly 227 densaýlyq saqtaý qyzmetkerin tartý josparlanyp otyr.
Kelgen dárigerlerge kóterme járdemaqy tóleý jáne turǵyn úı bólý túrinde qoldaý sharalary kórsetiledi.
Kezdesý sońynda oblys ákimi medısına qyzmetkerlerine alǵysyn bildirdi.
"Árbir medısına qyzmetkerine mamandyqqa adaldyǵy, ajaldan aman alyp qalynǵan ómirler men ult densaýlyǵyn saqtaýǵa qosqan úlesi úshin shyn júrekten alǵysymdy bildirgim keledi", – dedi Arhımed Muhambetov.
"Qurmet" ordenimen marapattalǵan Qostanaı oblystyq jedel járdem stansııasynyń bas dárigeri Irına Shteıgervald Qazaqstan Respýblıkasynyń Prezıdenti Qasym-Jomart Kemeluly Toqaevqa qamqorlyǵy men qoldaýy úshin alǵysyn bildirdi.
"Birinshi kezekte elimizdiń Prezıdenti Qasym-Jomart Kemeluly Toqaevqa qamqorlyq pen qoldaýy úshin alǵysymdy bildirgim keledi. Meniń jumysymdy joǵary baǵalaǵanyma shyn júrekten qýanyshtymyn", – dedi jedel járdem stansııasynyń bas dárigeri.
Sonymen qatar, ol pandemııa medısına qyzmetkerlerine komandalyq jumysty úıretkenin atap ótti.
"Mundaı qıyn ýaqytta, pandemııa jaǵdaıynda jumys isteý bizdi ár pasıentke kóp kóńil bólýge úıretti, biraq, biz, eń bastysy – komandada jumys isteýdi úırendik. Men búgin osyndaı joǵary marapatqa ıe bolǵandardyń árqaısysyn maqtan tutamyn", – dedi Irına Shteıgervald.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
