Nur-Sultan qalasy ákimdiginiń "Astana – adaldyq alańy" jobalyq keńsesi QR sybaılas jemqorlyqqa qarsy is-qımyl agenttigi men turǵyn úı jáne turǵyn úı ınspeksııasy basqarmasymen birlesip, "Nurly jer-2025" – Almaty jáne Baıqońyr aýdandarynda turǵyn úı-kommýnaldyq sharýashylyǵyn jańǵyrtý baǵdarlamasyn iske asyrý boıynsha Sátpaev kóshesi, 8; Qajymuqan, 14/1; Abaı, 80/1 jáne Abaı, 80/2 meken-jaıy boıynsha turǵyn úılerge monıtorıng júrgizdi.
Nur-Sultan qalasy ákimdigi "Nurly jer-2025" baǵdarlamasyn júzege asyrýǵa atsalysýda. Baǵdarlama aıasynda kóppáterli úılerdi jóndeý qaıtarý mehanızmi qaǵıdatymen júzege asyrylady.
Búgingi kúni kóppáterli úılerdiń kireberisi, shatyry men jertólesin jóndeý júrgizilýde. Aıdyń sońynda nysandar paıdalanýǵa beriledi. Monıtorıng barysynda turǵyndardyń tilekteri tyńdaldy. Sondaı-aq buzýshylyqtar anyqtalyp, merdigerlerge olardy joıý týraly nusqaý berildi.
2020 jyly Nur-Sultanda baǵdarlama boıynsha respýblıkalyq jáne jergilikti bıýdjetten 19 kóppáterli úıdi jóndeý josparlanǵan.
"Josparlanǵan jóndeý jumystary kezinde qalanyń ár aýdanynda kóppáterli úılerdiń monıtorıngi júrgiziledi", dedi qala ákimdiginiń "Astana – adaldyq alańy" jobalyq keńsesiniń úılestirýshisi Sáýle Bısembaeva.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
