Portýgalııanyń Lıssabon qalasyndaǵy «Eshtadıý da Lýsh» stadıonynda ótken oıyn 3:0 esebimen aıaqtaldy. Alǵashqy goldy 13-mınýtta Anhel Dı Marııanyń áýelete asyrǵan dobyna birinshi bolyp jetken brazılııalyq qorǵaýshy Markınos baspen týra soqqy jasap, esepti ashty. 42-shi mınýtta Dı Marııanyń ózi gol soqty. 56-mınýtta Hýan Bernat sol baıaǵy Anhel Dı Marııanyń sol qaptaldan áýelete asyrǵan dobyn qaqpaǵa baspen týra baǵyttady. Esep – 3:0, PSJ klýb tarıhynda tuńǵysh ret Chempıondar lıgasynyń fınalynda! Al nebári 2009 jyly qurylǵan jáne jartylaı fınalǵa deıin jetken «RB Leıpsıg» komandasy týrnırdi osy joldan aıaqtady.
Kezdesýdiń úzdik oıynshysy – Anhel Dı Marııa.
Statıstıka:
«RB Leıpsıg» – PSJ 0:3
Markınos 13, Dı Marııa 42, Hýan Bernat 56.
Dopty ıelik etý – 44% – 56%; soqqy – 15:14; dál soqqy – 3:9; buryshtama – 5:4; ofsaıd – 0:3; sary qaǵaz – 3:1; oıynshy almastyrý – 5:4.
«RB Leıpsıg»: qaqpashy – Gýlıashı; qorǵaýshylar – Mýkıele, Ýpamekano, Klostermann (Orban); jartylaı qorǵaýshylar – Anhelıno, Zabıtser, Kampl (Adams), Laımer (Halstenberg), Nkýnký (Forsberg), Olmo (Shık); shabýylshy – Poýlsen (k).
PSJ: qaqpashy – Rıko; qorǵaýshylar – Kerer, Kımpembe, Sılva, Bernat; jartylaı qorǵaýshylar – Errera (Verrattı), Markınos, Paredes (Draksler); shabýylshylar – Dı Marııa (Sarabııa), Mbappe (Shýpo-Motın), Neımar.
