Elorda • 20 Tamyz, 2020

Nur-Sultanda QIK-pen birlese iske asyryp jatqan áleýmettik páter alýshylar sanaty kóbeıdi

9 ret kórsetildi

Elordada qol jetimdi baspana kólemi 2020 jyly úsh esege artty. Bul týraly Nur-Sultan qalasynyń ákimi Altaı Kólginov óziniń Instagram paraqshasynda jazdy, dep habarlaıdy Egemen.kz.

"Qazaqstandyq ıpotekalyq kompanııamen" birlese iske asyryp jatqan áleýmettik páter alýshylar sanatyn kóbeıttik. Endi bul qoljetimdi baspanaǵa dárigerler, muǵalimderden basqa áleýmettik qyzmetkerler, polıseıler, mádenıet qaıratkerleri men sportshylar úmitker bola alady. Bıyl jalpy alǵanda 1 myńǵa jýyq páter beriledi. Iske asyrý máseleleri búgin QIK-pen kelisildi.

Budan basqa, kezekte turǵandar (halyqtyń áleýmettik álsiz toptary), turǵyn úı qurylys jınaq bankiniń salymshylary úshin turǵyn úı salý boıynsha jumystar júrgizýdemiz. Sondaı-aq, kelesi jyldarǵa daıyndalyp jatyrmyz.

Prezıdenttiń tapsyrmasyna sáıkes bıyl qoljetimdi turǵyn úı kólemi úsh ese artty", – dep jazdy Altaı Kólginov.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.


Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar