Býrabaıda bıiktigi 42 metrlik sholý sheńberi salynyp jatyr. Jańa nysannyń boı kóterýi demalýshylardyń nazaryn aýdarmaq.
Sonymen birge otbasylyq, balalar jáne ekstremaldy baǵyttaǵy attraksıondar ashý da qarastyrylǵan. Nysan qurylysy "Shýche-Býrabaı kýrorty aımaǵyn damytý" memlekettik baǵdarlamasy sheńberinde jeke ınvestorlardy tartý arqyly júzege asyrylýda. Sholý sheńberi men túrli qyzyqty attraksıondar Býrabaı kýrortyna demalýǵa keletin týrısterdiń kóńil kóterip, demalatyn súıikti ornyna aınalady degen senim bar.
– Bul jalpy quny 347 mıllıon teńgeni quraıtyn ınvestısııalyq joba. Ony ınvestor "Koleso ýdachı" JShS júzege asyrýda. Nysan Býrabaı kentindegi «Býrabaı damý» JShS vızıt ortalyǵynyń aýmaǵynda ornalasady. Ony ústimizdegi jyldyń úshinshi toqsanynda paıdalanýǵa berý josparlanǵan, – deıdi Azamat Baımuqanov.
Sholý sheńberi Býrabaı turǵyndary men qonaqtaryna kýrorty aımaqtyń kórkin jyl boıy tamashalaýǵa múmkindik beredi. Attraksıon táýlik boıy qyzmet kórsetip, onda 15 adam jumys isteıtin bolady. Aıta keteıik, "Shýche-Býrabaı kýrortty aımaǵyn damytý" memlekettik baǵdarlamasy sheńberinde 2025 jylǵa qaraı kýrortty óńirge keletin týrıster sanyn 1,6 mıllıonǵa jetkizý josparlanǵan.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
