ZOOM qosymshasy arqyly ótken konferensııaǵa emhana dárigerleri, sondaı-aq 10 shaqty júkti áıel qatysty. Olar tómendegi suraqtar boıynsha aqyl-keńes pen jaýap aldy:
- COVID-19 ınfeksııasy bolǵan jaǵdaıda "Kesar tiligin" jasaý kerek pe?
- Vırýs uryqqa anadan berile me?
- Koronavırýs ınfeksııasynan qalaı saqtanýǵa bolady?
Dárigerlerdiń aıtýynsha, COVID-19 vırýsy bar júkti áıelderge "Kesar tiligin" jasaý mindetti emes. Bosaný prosesinde hırýrgııalyq tásildi tek akýsherlik kórsetilimder men belgiler bolǵan kezde ǵana jasalady. Shet memleketterdiń tájirıbesi kórsetkendeı, vırýs juqtyrǵan analardan týylǵan balalar vırýsqa oń nátıjesin bergen joq. Al, koronavırýsty juqtyrmas úshin jeke gıgıena men maska rejımin saqtaý qajet.
Júkti áıelde tómendegi belgiler paıda bolǵan kezde dereý medısınalyq kómekke júginýi kerektigin dárigerler eskertedi:
- Dene qyzýynyń joǵary bolýy
- Jótel
- Tynys alýdyń qıyndaýy
- Álsizdik
- Bas aýrýy
- Bulshyq etterdiń aýyrsynýy
- Júrek aınýy
- Qusý
- Dıareıa
Medısına mamandary mundaı aqyl-keńesterdi ár 10 kún saıyn ótkizýdi josparlap otyr. Dárigerlerdiń kelesi onlaın-konferensııasy múgedek jandarmen ótedi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
