Elorda • 20 Tamyz, 2020

Úkimettik emes uıymdar belsendiligi eki esege artqan

16 ret kórsetildi

Belsendi qyzmet etetin uıymdar sany – 1885-ten 2594-ke jetken.  Bul týraly elorda ákimdiginiń resmı saıtyna silteme jasaı otyryp Egemen.kz habarlaıdy. 

Nur-Sultan qalasynyń Ishki saıasat basqarmasynyń basshysy T.Rahmanberdiniń tóraǵalyǵymen qoǵamdyq uıymdardyń áleýmettik salany jetildirý, sondaı-aq memlekettik áleýmettik tapsyrystardy iske asyrylýyna baılanysty onlaın rejımde ashyq suhbat kezdesýi ótti.

Kezdesý barysynda bıyl belsendiliktiń sany eki esege artqandyǵy aıtyldy. Máselen, qyzmetin turaqty júrgizetinder sany – 1885-ten 2594-ke jetti. Al belsendi uıymdar 2019 jyldyń sońynda 471-den qazirde 610-dy qurap otyr.

Kezdesýde qazirgi ýaqytta elordalyq úkimettik emes uıymdar memlekettik granttardy oryndaýda elordalyq uıymdar respýblıka boıynsha kósh bastap turǵandyǵy jetkizildi. 2019 jyly 28 grantty elordalyq uıymdar ıelense, bıyl 30-ǵa jetti.

Úkimettik emes uıymdardyń jumystary Nur-Sultan qalasynyń Azamattyq bastamalar ortalyǵy arqyly birizdendirilip keledi.

Sonymen qatar, búginde úkimettik emes uıymdar qyzmetin sıfrlandyrýda arnaıy uıymdarǵa ortaq qurylǵan jáne keri baılanys úshin arnaıy www.civilcenterelorda.kz saıty qyzmet etedi.

Suhbat barysynda Talǵat Abaıuly qoǵamda áleýmet shıelenisin týdyratyn máselelerdi shuǵyl aldyn alý úshin Nur-Sultan qalasy Azamattyq bastamalar ortalyǵy janynan monıtorıng shtabyn qurýdy usyndy.

Pandemııa kezindegi dári-dármekterdiń jetispeýshiliginen keıin dárihanalardaǵy preparattardyń baǵasyn arnaıy monıtorıng toby baqylaıtyn bolady.

Uqsas jańalyqtar