- Jalpy úmitkerlerdiń qaı-qaısysy da qal-qadirlerinshe Hákim Abaıdyń rýhanı baı murasynan syr shertip, jaýhar sózderin úlgi etip úgittedi, alyp aqynnyń arman-muraty men qazaqtyń búgingi bet-beınesin astastyrýǵa umtyldy. Qalamger aıtyskerler taqyrypqa dendep qana qoımaı, búgingi qoǵamnyń «aıaq alysy, júrek qaǵysyn» ańdap, eldiń muńy men muqtajyn túgendedi, ózekti máselelerdi tolǵady. Eldik, ulttyq, rýhanı qundylyqtardy qalamyna arqaý etip, jazba aıtystyń tabıǵatyn jan-jaqty asha bildi, - deıdi «Jazba aıtys» jobasynyń úılestirýshisi, aqyn Jandos Júsipbek.
Qazylar alqasynyń sheshimimen arqalyqtyqaqyn Batyrlan Saǵyntaev jazba aıtystyń jeńimpazy atandy. 2-shi oryn kórkem aıtysymen erekshelengen elordalyq Ulanbek Baqytqa buıyrsa, 3-oryndy Nur-Sultan qalasynyń aqyny Nurdáýlet Ǵalymjanuly men torǵaılyq Zlıha Kenjeǵozına ózara bólisip aldy.
- Qazaq ádebıetinde jazba aıtys dástúri HIH ǵasyrdyń ekinshi jartysymen HH ǵasyrdyń basynda qalyptasyp, damyǵan edi. Ásirese Syr boıyndaǵy sóz súleılerinen qalǵan jazba aıtys muralary búginde kópshilikke jaqsy tanys. Bizdiń óńirimizde ómir súrgen Nurjan Naýshabaıuly, Baıjan Beısenuly, Altybas Aqmolda sekildi aqyndardyń jazba aıtystyń damýyna óz úlesterin qosqandyǵy málim. Keńes úkimeti ornaǵannnan keıin 1940 jyldary Omar Shıpın, О́temis Qalabaev, Aqilgek Jumabekovalar, 1970 jyldary Mızam Jarasqanov, Ábdirahman Baıǵabylov, Ǵalı Ábishov, Baqytjamal Ospanovalar oblystyq baspasóz betterinde sóz synasty. Biraq keıingi kezde umyt bola bastaǵan osy dástúrdi qaıta jańǵyrtqan uıymdastyrýshylarǵa bizdiń alǵystan basqa aıtarymyz joq. Árıne, jazba aıtysqa túsý aqyndarǵa ońaı emes. Munda sýyrypsalma aıtysqa qajetti qıynnan qıystyryp sóz tapqyshtyqtan basqa, oıdyń tapqyrlyǵy men sózdiń ótkirligi, jazǵan óleńniń kelisti, kórkem bolýy kerek-aq. Bul talapqa saı keletin óleń jazý jazba aıtysqa qatysqan aqyndardyń árbiriniń oıynda bolǵany da anyq. Bul dástúr aldaǵy ýaqytta da jalǵasatyn bolsa, ólke ádebıetine qosqan úlesi, tıgizer yqpaly jaqsy jaǵynan ǵana kórinetinine senimin mol, - dedi aıtys jeńmpazy B.Saǵyntaev.
Jobanyń bıylǵy basty jańalyǵy – úsh jyl boıy ótken jyr saıystary bıyl jeke jınaq bolyp shyqty. «Jazba aıtys – jyr-jaýhar» atty etjeńdi kitapqa úzdik aıtystar engizilip, qalyń oqyrmanǵa jol tartyp otyr. Jınaqtyń jaryq kórýine de oblystyq Ishki saıasat basqarmasy qoldaý jasaǵanyn aıta ketý kerek.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
