Elimizdiń IIM Ákimshilik polısııa komıteti tóraǵasynyń orynbasary Serik Túsipov OKQ-da ótken baspasóz konferensııasynda mán-jaıdy tolyǵyraq tarqatyp ketti.
"Tirkeý boıynsha tıisti talaptar bar ekenin eskere otyryp, Úkimet qaýlysynda tirkeýdiń naqty merzimi bekitilgen. Tirkeý sharalary 2020 jyldyń 1 qyrkúıekgine deıin júzege asyrylady. Osy merzimge atalǵan tirkeý talaptaryna jatatyn barlyq kólikter tirkeledi dep josparlanyp jatyr", deıdi Serik Túsipov.
Onyń oıynsha, azamattar tarapynan ótinimder bar ekenin, sondaı-aq Saýda jáne ıntegrasııa mınıstrligi Tehnıkalyq retteý jáne metrologııa komıteti jaǵynan qaıtadan jabdyqtalǵan avtokólikterdi tirkeý úshin jaǵdaı jasalyp otyrǵanyn eskere otyryp, ózgertip jabdyqtalǵan avtokólikter úshin merzimdi uzartý usynysyn pysyqtap jatqanyn qosymsha atap ótti.
Esterińizge sala keteıik, 2020 jyldyń 20 mamyrynda el Úkimeti Armenııa Respýblıkasynda tirkelgen jekelegen kólik quraldaryn Qazaqstan Respýblıkasyna ákelý jáne QR azamattarynyń paıdalanýy boıynsha keıbir máseleler týraly qaýly qabyldady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
