Prezıdent prevensııany sybaılas jemqorlyqqa qarsy tıimdi saıasattyń negizgi basymdyqtarynyń biri retinde belgiledi. Keńeste túrli salalardaǵy sybaılas jemqorlyqtyń paıda bolý sebepteri men sharttaryna sapaly taldaý júrgizý qajettiligi týraly basa aıtyldy. Ol úshin zańda memlekettik organdardyń táýekelderdi ózdiginen anyqtaý men joıýǵa arnalǵan qajetti quraldar bar. Tabysqa jetý úshin olardyń zańnamadaǵy olqylyqtardy joıý boıynsha ázirlengen usynymdardy iske asyrýǵa joǵary qyzyǵýshylyǵy qajet. Sybaılas jemqorlyqqa qarsy laıyqty bastamalary joq ortalyq memlekettik jáne jergilikti atqarýshy organdardyń enjar basshylary týraly Agenttik Prezıdentti habardar etetin bolady.
Sybaılas jemqorlyqqa qarsy qyzmet basshysy jemqorlyqpen kúresýshilerdiń nazaryn daǵdarysqa qarsy sharalarǵa bólingen bıýdjet qarajatynyń maqsatty jumsalýyn baqylaýdy kúsheıtýge aýdardy. Alık Shpekbaev jymqyrýdyń jolyn kesip, onyń aldyn alýǵa jumys isteýdiń mańyzdylyǵyn atap ótti.
Sybaılas jemqorlyqqa qarsy is-qımylda azamattyq qoǵamnyń rólin ári qaraı kúsheıtý aıasynda Antıkor qoǵamdyq baqylaýdyń jańa úlgisin ázirleıdi.
Agenttik tóraǵasy sybaılas jemqorlyqpen kúresýshiler qatarynyń tazalyǵy, sondaı-aq memlekettik organdardyń qyzmetine qısynsyz aralasý faktilerin boldyrmaý máselelerine jeke toqtaldy.
Halyqtyń ál-aýqatyn arttyrý bıznestiń tabysty jumysyna tikeleı baılanysty. Sondyqtan Agenttik bıznesti qorǵaý máselelerine erekshe den qoıǵan. Osy baǵytta Agenttikte «Protecting business and investments» jobasy júzege asyrylýda. Budan bylaı onyń qyzmeti jandana túsedi.
Prezıdenttiń tapsyrmasyna sáıkes Agenttik Turmystyq jemqorlyqqa qarsy kúres jónindegi jol kartasyn ázirleıtin bolady. Munda «Adaldyq alańy» jobasynyń orny erekshe.
Ishki bıznes-prosesterdi sıfrlandyrýmen shektelmeı, Agenttik sybaılas jemqorlyqqa qarsy is-qımyl máselelerinde sıfrlyq tehnologııalardy paıdalaný boıynsha jańa tásilderdi ázirleýge nıettenýde.
Sonymen qosa Prezıdenttiń tapsyrmalaryn oryndaý aıasynda parasattylyq ıdeologııasyn qoǵamdy belsendi tartýmen qalyptastyrýdyń mańyzdylyǵy atap ótildi.
Is-shara qorytyndysy boıynsha Agenttik tóraǵasy naqty mindetter qoıyp, Prezıdent tapsyrmalaryn múltiksiz jáne sapaly oryndaý qajettigin erekshe atap ótti.
