Qor jumysy 2020 jyldyń 1 jeltoqsanyna deıin jasaqtalyp, jumysyn bastaýy kerek.
Sarapshylar О́zbekstanda 500 mıllıard sým (48,8 mıllıon dollar) kóleminde qosymsha rezerv qalyptastyrýǵa barlyq múmkindik bar ekenin aıtyp otyr. Bul halyqtyń muqtaj toptaryn qoldaý úshin kómekshi resýrs bolady, dep jazady Egemen.kz Gazeta.uz portalyna silteme jasap.
Bul týraly keshe, 20 tamyzda О́zbekstan prezıdenti Shavkat Mırzııoev vıdeo konferensııada málimdedi.
Bul jıyn ekonomıkalyq belsendilikti arttyrý jáne múldem jańa mehanızmder men tásilderge negizdelgen qosymsha rezervterdi qalyptastyrýdyń mehanızmderin talqylaýǵa jáne pysyqtaýǵa arnaldy.
Buǵan deıin О́zbekstanda muqtaj jandardy qoldaýúshin 200 mıllıon dollarǵa jýyq qarajat bólingeni týraly habarlanǵan bolatyn. Bul qarjy 1,7 mıllıon az qamtylǵan adamdy, 3,7 mıllıon zeınetker men 500 myń áleýmettik járdemaqy alýshylardy qoldaý úshin bólindi.
