Mundaı zertteýdi ranking.kz saıty júrgize otyryp, úzdik álem elderiniń reıtıngin jarııalady.
Kósh basynda Shveısarııa eli tur. Al top bestikti bastap turǵan Kanada, Japonııa, Germanııa jáne Aýstralııa. Al damyǵan on eldiń qataryna Ulybrıtanııa, AQSh, Shvesııa, Nıderlandy men Norvegııany qosýǵa bolady.
Reıtıng toǵyz kórsetkish negizinde jasaldy:
* kásipkerlikti damytý;
* týrıster arasyndaǵy tanymaldylyq;
* óz azamattaryna degen qarym-qatynasy (adam quqyqtaryn qorǵaý, ekologııa jáne genderlik teńdik);
* mádenı yqpaldylyq;
* tarıhı mura;
* damý áleýeti;
* bıznes úshin ashyqtyq;
* áskerı kúsh;
* ómir sapasy.
Qazaqstan eki satyǵa ǵana kóterilip, Gvatemaladan keıingi 65-shi jáne Gananyń aldynda 67-shi orynǵa ıe boldy. Sonymen qatar, Qazaqstan Reseı (23 oryn) men Ázirbaıjanǵa (61 oryn) jol berdi.
Aıta keteıik, Qazaqstan 7-shi saty boıynsha ómir súrý kórsetkishin aıtarlyqtaı jaqsartqan. Degenmen aldyńǵy reıtıngke qaraǵanda, elimiz jaǵdaıyn kóńil kónshitetindeı jaqsarta qoımady desek te bolady. Sondaı-aq elimiz áskerı kúshter – 36, damý áleýeti – 42 jáne bıznes úshin ashyqtyq boıynsha 65 oryndardy qanaǵat tutty.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
